Хаартыска -- Ксенья Васильева тиксэриитэ
Кэлиҥҥи кэмҥэ оҕону патриоттуу тыыҥҥа иитиигэ сыһыаннаах араас хайысхалаах үлэ ыытыллар.
Соторутааҕыта “Басхан-2024” IV өрөспүүбүлүкэтээҕи дьыалабыай оонньуу күрэһэ ыытыллыбыта. Бу тэрээһин ис сүрүн соруга — уол оҕону киэҥ эйгэҕэ таһааран, билиһиннэрэн, эр киһи оруолун үрдэтэн, дириҥ өйдөбүллээх, киэҥ билиилээх, санаатын аһаҕастык сахалыы сайа этэр ыччаты иитии.
Уол оҕону төрөөбүт дойдуга бэриниилээх буолууга иитии өссө биир чаҕылхай холобурун Бэрдьигэстээх сэлиэнньэтин баһылыга Алексей Аргунов көрдөрдө. Алексей Григорьевич, дьэ, ол тугунан интэриэһи тарта? Бу туһунан баһылыгы солбуйааччы Ксенья Васильева маннык кэпсээтэ:
— Бэҕэһээ, муус устар 23 күнүгэр, Василий Филиппов аатынан улуустааҕы гимназия 5-с кылааһын үөрэнээччитэ, кылаас ыстаарастата Толя Захаров «Баһылыктыын биир күн» диэн бырайыакка нэһилиэк баһылыга Алексей Аргуновы кытта күн устата нэһилиэк тустаах тэрилтэлэрин үлэлэрин билистэ, салайааччы үлэтин төрдүттэн көрдө-иһиттэ.
Биһиги дьаһалтабыт гимназия салалтатын кытта оҕону патриотическай иитиигэ бииргэ үлэлээһиҥҥэ сөбүлэҥ түһэрсибитэ. Ол үлэ чэрчитинэн муниципальнай тэриллии баһылыга Алексей Аргунов быйылгы үөрэх дьылыттан гимназия 5 кылааһын кураторынан буолбута. Алексей Григорьевич оҕолору оскуоланы бүтэриэхтэригэр диэри Ийэ дойдуга бэриниилээх буолууга, төрөөбүт дойдуга тапталы иҥэриигэ сыһыаннаах араас тэрээһиннэри ыытан кытыннарар былааннаах. Биллэн турар, баһылык бу бырайыагар кыттыан баҕалаах үгүс. Ол да буоллар, Алексей Аргунов салайар үлэҕэ үлэлиирин быһыытынан, бастакы саҕалааһынын кылаас ыстаарастатыттан саҕалаата. Бу курдук, араас ис хоһоонноох, хайысхалаах бырайыактары өссө да ыытан иһиэхпит.
… Быйылгы Оҕо саас сылыгар Бэрдьигэстээх сэлиэнньэтин баһылыга Алексей Аргунов бэртээхэй холобурун атын да улуустар, нэһилиэктэр баһылыктара уопут атастаһыытын быһыытынан, маннык үлэни ыытыахтара диэн эрэнэбит.
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…
Тэрээһиннэргэ байыаннай дьайыы бэтэрээннэрэ уонна кыргыһыы хонуутугар охтубут дьон дьиэ кэргэттэрин чилиэннэрэ, барыта 28 тыһыынчаттан…