Баишевтар саха ынаҕын иитэллэр
![](https://sakha-sire.ru/wp-content/uploads/2024/06/mot1-1060x596.jpg)
Эбээн Бытантай улууһун Дьарҕаалаах нэһилиэгэр эдэр ыал Баишевтар саха сүөһүтүн иитэллэр. Сүөһүлэрэ кыстыгы туораан, этэҥҥэ күөххэ үктэммиттэр. Ыал ийэтэ, 2013 сылтан “М.П.Баишева” бааһынай хаһаайыстыба баһылыга Мотрена Петровна сэттэ ынаҕа төрөөн, билигин түбүгэ элбэх.
— Ынахтарым быйыл хойутаан төрөөтүлэр. Билигин күҥҥэ 20-чэ киилэ үүтү ыыбын. Сүөгэйи уонна суорат оҥорон атыылыыбыт. Отучча кууруссалаахпыт, олор сымыыттарын нэһилиэнньэ куораттан сымыыт кэлиитэ ыарахан буолан, хамаҕатык атыылаһар. Өссө хоруолуктарбыт төрөөтүлэр. Алта хоруолуктаахпыт, — диир бааһынай хаһаайыстыба баһылыга.
![](https://sakha-sire.ru/wp-content/uploads/2024/06/mot2-e1717460855336.jpg)
![](https://sakha-sire.ru/wp-content/uploads/2024/06/mot3.jpg)
Мотрена Петровна бэйэтэ тыа хаһаайыстыбатын исписэлииһэ, кэргэнэ олохтоох дьаһалтаҕа ыччат лиидэрэ. Бу курдук эдэр ыал сүөһү-ас иитэн, эдэрдэргэ холобур буолаллар.
Хаартыска: М.Баишева ыытта.
Сообщить об опечатке
Текст, который будет отправлен нашим редакторам: