Хаартыска- ааптар түһэриитэ
Томпо улууһун Байаҕантай нэһилиэгэр бүгүн олохтоох көҕүлээһиннэри өйүүр бырагырааманан уонна нэһилиэнньэ көмөтүнэн тутуллубут Учуутал искибиэрин үөрүүлээх аһыллыыта буолла. Бу туһунан «Томпонский вестник» хаһыат суруйар.
2022 сыллаах Кириэс Халдьаайы орто оскуолатын үбүлүөйдээх выпускниктара дизайн-бырайыак оҥоруутун спонсордаабыттара. 2023 сыллаах үбүлүөйдээх выпускниктар истиэндэлэрин таҥыытын уонна тиэйэн аҕалыытын үбүлээбиттэрэ. Учуутал искибиэрин лиэнтэтин быһарга чиэс Байаҕантай нэһилиэгин баһылыгар Лена Голиковаҕа, бэтэрээн учууталга, өр кэмҥэ оскуола дириэктэринэн үлэлээбит Александр Охлопковка, оскуола дириэктэригэр Святослав Слепцовка, оскуола бэрэсидьиэнэ Валерия Винокуроваҕа, туйгун үөрэнээччи Лиана Атаковаҕа бэрилиннэ.
Баһылык Лена Голикова орто оскуола кэлэктиибигэр тутуу матырыйаалын атыылаһалларыгар 120 тыһ. солк. сэртипикээти уонна 2024 сылга үбүлүөйдээх выпускниктар саҥа тэпилииссэ тутуутугар 211 тыһ. солк. сэртипикээти туттардылар. Элбэх үтүө тыл этилиннэ, эҕэрдэ ырыалар ылланнылар, хоһооннор ааҕылыннылар.
Учуутал искибиэригэр өр кэмнэргэ Кириэс Халдьаайы оскуолатыгар учууталлаабыт Саха АССР, РСФСР үтүөлээх учуутала, Байаҕантай нэһилиэгин бочуоттаах олохтооҕо Елена Михайловна Охлопкова аатын иҥэрэргэ уураах таҕыста. Бастакы мастары искибиэргэ экология, биология киинин үөрэнээччилэрэ олортулар. Учуутал искибиэрин тутуутун Николай Атаков, Дмитрий Максимов оҥордулар.
Альбина Баланова
.
Нерюнгри оройуонугар буолуохтаах Олоҥхо ыһыаҕар эрдэттэн тиийээри, от ыйын 2 күнүгэр хайы-үйэ массыыналар субустулар. Хайдах…
Бу күннэргэ социальнай ситимнэринэн Дьокуускай куораттан Аллараа Бэстээххэ паромунан айаннаан иһэр пассажирдар Өлүөнэ өрүскэ сэлээркэ тохтон…
Ааспыт нэдиэлэҕэ ДНӨ уонна Белгород уобалаһын тирэх пууннарын үлэһиттэрэ Саха сирин байыастарыгар 188 аадырыстаах баһыылканы…
Электроннай табахтан, вейптан аккаастаныы "Давай бросать" диэн марафон саҕаланна. Биир санаалаахтар никотинтан тутулуктаах буолууну бохсорго…
"Буойун" киин «ВОИН.КИНО» бырайыагы билиһиннэрдэ. "Буойун" киин бырабылыанньатын бэрэссэдээтэлэ, Госдума дьокутаата, ЛНӨ дьоруойа Виктор Водолацкай…
Бүгүн үс үллэр үөстээх Өлүөнэ эбэ күнүгэр Хаҥалас улууһун олохтоохторо тахсаннар кытылы бөхтөн-сыыстан ыраастаатылар. …