“Байанай” сурунаал иккис тыыннанна

Share

Бүгүн Дьокуускайга Бэчээт дьиэтигэр Саха сирин булчуттарын тапталлаах сурунаалларын “Байанай” иккис тыына” диэн ааттаах брифинг буолла. Брифиҥҥэ “Сахабэчээт” судаарыстыбаннай автономнай тэрилтэ генеральнай дириэктэрэ Нюргуяна Стручкова сурунаал бу тэрилтэ иһинэн иккис тыынын ылан, тахсан эрэрин туһунан иһитиннэрдэ. Инникитин балаһыанньа тубустаҕына, Арассыыйа булчуттарыгар анаан нууччалыы тылынан таһаарыахтарын сөбүн туһунан эттэ. Билигин сурунаал сахалыы тылынан тахсыаҕа. Биллэр суруналыыс Василий Никифоров уо.д.а. сурунаал ааҕааччылаах буоларын туһугар үлэлэһиэхтэрэ.

— 2002 сыллаахха Макаров Иван Константинович көҕүлээһининэн өҥнөөх сурунаал тахсыбыта. Сылга түөртэ тахсара олус кэтэһиилээх буолара. Онтон икки ыйга – биирдэ уонна ый аайы бэчээттэммитэ.  “Байанай” сурунаалбыт 7000 тиражтана сылдьыбыта, 4,5 тыһыынча сурутааччылаах этибит. Сурунаал кэлэктиибэ улуустарынан айаннаан, ааҕааччылардыын көрсүһүүлэри тэрийэрэ биһирэммитэ. 2012 сыллаахха Булчут күнүн тэрийиэххэ диэн туруорсубуппут. Ону Ил Дархан Егор Борисов, оччотооҕу Бырабыыталыстыба Бэрэссэдээтэлин солбуйааччы Александр Борисов өйөөннөр, олоххо киирэн, күн бүгүнүгэр диэри ыытыллар. 22 сыл тухары Экология министиэристибэтин Булт департаменын кытта ыкса үлэлэһэн, сурунаалбытыгар булт быраабылатыгар киирэр уларыйыылары сырдаппыппыт. Билигин сурунаалбытыгар патриотическай иитиигэ болҕомтобутун ууруохпут. Тоҕо диэтэххэ, байыаннай дьайыыга сылдьааччылар үксүлэрэ булчуттар, ол иһин тулуурдаахтар, бэргэннэр, мындырдар. Сурунаалбытыгар “Сахабэчээт” иккис тыыны биэрдэ, онон үлэлиэхпит”, — диэтэ сурунаалы иилээн-саҕалаан кэлбит Юрий Борисов.

Хаартыска:Денис Попов түһэриилэрэ
Хаартыска:Денис Попов түһэриилэрэ
Хаартыска:Денис Попов түһэриилэрэ
Хаартыска:Денис Попов түһэриилэрэ
Хаартыска: Денис Попов түһэриилэрэ
Хаартыска:Денис Попов түһэриилэрэ

СӨ Экологияҕа, айылҕаны туһаныыга уонна ойуур хаһаайыстыбатыгар министиэристибэтин Булт департаменын салайааччыта Владимир Решетников инникитин бу тэрилтэни кытта сөбүлэһиигэ олоҕуран, бииргэ үлэлиэхпит диэтэ уонна ситиһиилэри баҕарда.

Сурунаалга сурутааччылар ортолоругар лотереянан лиссиэнсийэни оонньотуохтара. Онон “Сахабулт” тэрилтэни кытта дуогабардаһан, тайахха, туртаска, кулааһайга, тыатааҕыга лиссиэнсийэ ылыахтара. Литературнай куонкурустары, хаартыска куонкурустарын ыытыахтара.

What’s your Reaction?
+1
1
+1
0
+1
0
+1
0
+1
0
+1
0
+1
0

Recent Posts

  • Сонуннар

КлиКра сокуонун туһунан

Муус устар 3 күнүгэр буолбут “Публичнай былаас биир уопсай тиһигэр олохтоох салайыныыны тэрийии уопсай тосхоллорун…

18 минут ago
  • Сонуннар
  • Уопсастыба

“Сокровищница Якутии” быыстапкаҕа Гавриил Чиряев аатынан алмааһы сүрэхтээһин буолла

Муус устар 4 күнүгэр, уһулуччулаах судаарыстыбаннай диэйэтэл, Аҕа дойду Улуу сэриитин кыттыылааҕа Гавриил Иосифович Чиряев…

38 минут ago
  • Сонуннар
  • Уопсастыба
  • Үөрэх

Хатас орто оскуолата “Арассыыйатааҕы Билим академиятын тирэх оскуолата” бырайыакка хапсыбыт

П.Н. уонна Н.Е.Самсоновтар ааттарынан Хатас орто оскуолата “Арассыыйатааҕы Билим академиятын тирэх оскуолата” бырайыакка киирбит уонна…

48 минут ago
  • Сонуннар

Саха сиригэр 28 нэһилиэнньэлээх пууну гаастыахтара

СӨ Ил Дархана Айсен Николаев уонна "Газпром" ПАУо бырабылыанньатын бэрэссэдээтэлэ Алексей Миллер бигэргэппит "Гааһынан хааччыйыы…

1 час ago
  • Байыаннай эпэрээссийэ
  • Сонуннар

Юрий Трутнев “ВОИН” киин уон филиалын үлэтин түмүгүн таһаарда

“ВОИН” киин уон, ол иһигэр үс Уһук Илиҥҥи филиал муус устарга үлэлээбиттэрэ биир сылын бэлиэтииллэр.…

2 часа ago
  • Сонуннар
  • Сүрүн

Чулуу салайааччы Гавриил Чиряев

Саха тарбахха баттанар биир улахан салайааччыта, бөдөҥ судаарыстыбаннай уонна бэлитиичэскэй диэйэтэлэ, 1965-1982 сс. Сэбиэскэй Сойуус…

2 часа ago