Хаартыскаҕа ааптар түһэриитэ
Чурапчыга киин бибилэтиэкэ ааҕар саалатыгар «Байбал тэлбит суолунан» диэн альбом-кинигэ биһирэмэ буолла.
Кинигэни СӨ култууратын туйгуна, Чурапчы улууһун, Чурапчы уонна Алаҕар нэһилиэктэрин бочуоттаах гражданина, РФ суруналыыстарын сойууһун чилиэнэ, РФ айар сойуустарын чилиэнэ, норуот маастара, кыраайы үөрэтээччи, спорт, үлэ бэтэрээнэ Григорий Турантаев-Чолбон таҥан оҥордо. Альбом-кинигэ олимпийскай чемпион Павел Пинигин 70 сааһын туолуутугар анаата. Бу хаартысканан дьүһүйүү Чурапчы тустууктара 2018, 2023 сылларга Тарскай бирииһин турнирдарыгар дьоһун кыттыыларын көрдөрөр. «Сайдыы» кинигэ кыһатыгар 400 экземплярынан бэчээттэммит, 52 страницалаах, 337 хаартыска киирбит.
Кинигэ сүрэхтэниитигэр мустубуттары бибилэтиэкэр Марфа Кузьмина сандал саас кэлбитинэн, Григорий Турантаев альбом-кинигэтэ сүрэхтэнэринэн эҕэрдэлээтэ, айымньыны сиһилии ырытта. Киирии ыстатыйаны «Саха боотура, Чурапчы чулуута Павел Пинигин» диэн төбөлөөн Чурапчы улууһун баһылыга Степан Саргыдаев суруйбутун бэлиэтээтэ.
Эҕэрдэ тылы улуус дьаһалтатын спортка уонна физическэй култуураҕа управлениетын исписэлииһэ Ольга Попова, Чурапчы нэһилиэгин дьаһалтатын нэһилиэнньэни кытары үлэҕэ сүрүннүүр исписэлииһэ Мария Матвеева, Д.П.Коркин аатынан спортивнай албан аат мусуойун дириэктэрэ Егор Пудов, Чурапчытааҕы спортивнай интэринээт-оскуола кылаабынай тириэньэрэ Альберт Макаров, ветеран-спортсмен, биллиилээх тустуук Семен Морфунов, киин бибилэтиэкэ сэбиэдиссэйэ Вера Платонова, табаарыстара Гаврил Макаров, Алексей Слепцов, Иван Парфенов эттилэр. Кинилэр Григорий Григорьевич ураты талаанын — фотограф, худуоһунньук, скульптор, кыраайы үөрэтээччи, уус быһыытынан элбэҕи оҥорбутун, төрөөбүт-үөскээбит Чурапчытын патриота буоларын эттилэр, киһи, табаарыс быһыытынан сэмэйин бэлиэтээтилэр, өссө даҕаны айа-тута, үлэлии сылдьарыгар баҕардылар. Биллиилээх тустуук, кыраайы үөрэтээччи Михаил Друзьянов эҕэрдэтин ыраахтан олорон тиэртэ.
Бырааһынньыгы Григорий Григорьевичка анаммыт тойук, спортка анаммыт ырыаларынан эҕэрдэлэр тупсардылар.
Түмүккэ Григорий Турантаев бэйэтин айар үлэтиттэн кэпсээтэ, быыстапкаҕа туруоруллубут айымньыларын быһааран биэрдэ, кэлэн кыттыбыттарыгар махтанна.
Алексей Слепцов,
Чурапчы.
Бүгүн, балаҕан ыйын 16 күнүгэр, өрөспүүбүлүкэ арҕаа өттүгэр, Өлүөнэ аллараа тардыытынан ардах, инчэҕэй хаар түһүөҕэ.…
Бүгүн Бүтүн Арассыыйатааҕы байыаннай-тактическай «Путь воина» күрэхтэһии саҕаланна. СӨ Бырабыыталыстыбатын Бэрэссэдээтэлин солуйааччы Ольга Балабкина «Путь…
Бүгүн Бүтүн Арассыыйатааҕы байыаннай-тактическай «Путь воина» күрэхтэһии аһылынна. Күрэхтэһиигэ Арассыыйа түөрт эрэгийиэниттэн: Хабаровскай кыраайтан, Волгоградскай…
Бүгүн «Энергетик» оҕо лааҕырын баазатыгар Бүтүн Арассыыйатааҕы байыаннай-тактическай «Путь воина» күрэхтэһии үөрүүлээх быһыыга-майгыга аһылынна. Күрэхтэһии…
Дьокуускайдааҕы полиция 2-с №-дээх отделын дьуһуурунай чааһыгар көмпүүтэрдиир кулууп бэрэстэбиитэлэ наушник уоруллубутун туһунан иһитиннэрбит. Бу…
Сорох социальнай ситимҥэ "Биир ньыгыл Арассыыйа" бэлитиичэскэй баартыйа балаҕан ыйын 14 күнүнээҕи быыбарга бэйэтигэр ылыммыт…