Байер дьахтары харчыга албыннаабыт

Дьокуускайга полиция дьуһуурунай чааһыгар олохтоох дьахтар түөкүннээһиҥҥэ түбэспитин туһунан сайабылыанньа суруйбут. Бу туһунан СӨ ИДьМ пресс-сулууспата иһитиннэрэр.

Дьахтар кэпсээбитинэн, биллэриинэн төлөпүөн атыылаһаары гыммыт. Мессенджер нөҥүө атыылааччыны кытта кэпсэтэн, ыйыллыбыт счекка 92 500 солк. ыыппыт. Ол эрээри төлөпүөнүн туппатах. Байерга эрийэ сатыырын төлөпүөнүн ылбатах, онтон олох да дьахтары блоктаан кэбиспит. Онон дьахтар полицияҕа кэлбит.

Полиция үлэһиттэрэ уорбаланааччыны быһаарбыттар. Бу — 34 саастаах эр киһи.

Быһаарыллыбытынан, бу киһи суотабай төлөпүөннэри атыылааһынынан дьарыктанар эбит. Сакаас киирбит харчытынан иэһин сабарга санаммыт.

Түөкүннээһининэн холуобунай дьыала тэрилиннэ.