Хаартыска: sakha.gov.ru
Саха cиригэр «Ночные волки» бэрэстэбиитэллэрэ судаарыстыбаннай таһымҥа мотокросс уонна успуорт атын көрүҥнэрин өйүүргэ этии киллэрдилэр.
Кинилэр көҕүлээһиннэрин киин куораттааҕы Владимир Путин уопсастыбаннай приемнайыгар туттардылар.
«Ночные волки» Бүтүн Арассыыйаатаҕы байкердар кулуубтарын Саха сиринээҕи салаатын бэрэсидьиэнэ Виктор Копылов эрэгийиэҥҥэ тиэхиньиичэскэй успуорт көрүҥнэрэ энтузиастар эрэ үптэринэн-харчыларынан уонна күүстэринэн сайдарын быһаарар. Маннык балаһыанньа дойду атын субъектарыгар эмиэ бэлиэтэнэр. «Арассыыйаҕа судаарыстыба таһымыгар бу көҕүлээһин өйөбүл ыллаҕына, массыына уонна мотокросс успуордун киэҥ эйгэҕэ тарҕатыыга төһүү күүс буолуоҕа», – диир Виктор Копылов. Ону таһынан инникитин бу успуорт хайысхаларыгар араас таһымнаах күрэхтэһиилэргэ үчүгэй түмүктэрдээх буолара сабаҕаланар. Эрчиллиини уонна күрэхтэһиилэри тэрийии, ону тэҥэ аныгы тиэхиньикэни атыылаһыы спортсменнарга куттал суох буолуутун мэктиэлиир.
Владимир Путин уопсастабыннай приемнайа Саха сиригэр 2023 сыл ахсынньытыттан үлэлиир. Саха сирин олохтоохторуттан туох баар бары көҕүлээһиннэр уонна этиилэр салгыы хандьыдаакка тиксэриллэр.
Санаттахха, Арассыыйа Бэрэсидьиэнин быыбара кулун тутар 15-17 күннэригэр ыытыллыаҕа. Киин быыбардыыр хамыыһыйа быыбарга түөрт хандьыдааты кыттарга регистрациялаабыта: билигин дойду Бэрэсидьиэнэ Владимир Путин (бэйэ туруорунуу), Николай Харитонов (РФКП), Леонид Слуцкай (ЛДПР) уонна Владислав Даванков («Новые люди»).
Бу сыл ахсынньы 11 күнүгэр Былатыан Ойуунускай аатынан судаарыстыбаннас түмэлигэр киэн туттар биир дойдулаахпыт, комсомольскай,…
Филиппиныттан уонна Таилантан ахсынньы 14 күнүгэр ыытыллар «Вызов Севера» күрэхтэһиигэ кыттар боксердар бүгүн Дьокуускайга саамай…
Саха сиригэр анал байыаннай дьайыы кыттыылаахтарыгар уонна кинилэр дьиэ кэргэттэригэр анаан "Е-Якутия" порталга «Забота» электроннай…
РФ Үөрэҕириитин уонна Үөрэҕи, билими кэтээн көрөр федеральнай сулууспа кэлэр сыллааҕы биир кэлим эксээмэн, сүрүн…
Арассыыйа тимир суоллара (АТС) Кытайы уонна КНДР-ы кытта пассажирдары тиэйиини сөргүтэллэр. Бу туһунан АТС пресс-сулууспата…
Бүгүн СӨ Бырабыыталыстыбатын 2 дьиэтигэр "Конституция -- Арассыыйа быраапка тирэҕэ: Саха сирин аныгы быыбардыыр тиһигин…