Байыанай дьайыы кыттыылаахтарыгар уонна кинилэр дьиэ кэргэттэрэ алгыс ылаллар

Анал байыаннай дьайыы кыттыылаахтарын уонна кинилэр дьиэ кэргэттэрин өйүүр тэрээһин чэрчитинэн «Арчы» дьиэтигэр алгыс сиэрэ-туома оҥоһуллар.

Дьокуускай куорат Норуот айымньытын уокуруктааҕы киинэ уонна  Ю.П. Степанов аатынан Инбэлииттэр доруобуйаларын чөлүгэр түһэрэр өрөспүүбүлүкэтээҕи социальнай-чэбдигирдэр киин бииргэ үлэлииргэ сөбүлэһиилэрин чэрчитинэн анал байыаннай дьайыы кыттыылаахтарыгар уонна кинилэр дьиэ кэргэттэригэр алгыс сиэрин-туомун ыыттылар.

Алгыс сиэрэ-туома – былыргы саха үгэһэ, куһаҕан энергияны ыраастааһыҥҥа, алгыһы ылыыга уонна сир, уот иччилэригэр сүгүрүйүүгэ туһуланар. Психологическай өйөбүл өттүнэн ыллахха, алгыс буойуннарбыт уонна кинилэр чугас дьоннорун куттарын-сүрдэрин бөҕөргөтөр уонна тууйуллубут санааларын чэпчэтэргэ көмөлөһөр.

Анал байыаннай дьайыы кыттыылаахтара уонна кинилэр дьиэ кэргэттэрэ алгыс ылан күүстэригэр күүс эбиллэн, санаалара көтөҕүллэн, ис туруктара тупсан, инникигэ эрэллэрэ күүһүрэн бараллар.