Хаартыска: Бэрэсидьиэн Уһук Илиҥҥэ боломуочуйалаах бэрэстэбиитэлин пресс-сулууспата.
РФ Бырабыыталыстыбатын бэрэссэдээтэлин солбуйааччы, Уһук Илиҥҥи уокурукка РФ бэрэсидьиэнин боломуочуйалаах бэрэстэбиитэлэ Юрий Трутнев, байыаннай дьайыы зонатыттан командировкаттан кэлэн баран, Владимир Соловьевка интервью биэрдэ.
Вице-премьер Уһук Илиҥҥэ фронт наадатыгар бородууксуйаны оҥорон таһаарар тэрилтэлэри экэниэмикэ өттүнэн өйүүр миэрэлэри тэрийиигэ уопутун үллэһиннэ.
Юрий Трутнев этэринэн, ТОР байыаннай технологияны үөрэтиини, саҥаны киллэрииттэн саҕалаан оҥорон таһаарыыга диэри бириэмэни төһө кыалларынан кыччатар соруктаах.
«Биһиги төһө кыалларынан айан таһаарыыттан оҥорон таһаарыыга диэри үлэ хаамыытын түргэтэтэр санаалаахпыт. Биһиги Уһук Илин сиригэр-уотугар оҥорон таһаарыыны тэнитэргэ бэлэммит. Ол курдук, холобур байыаннай дьайыыга туттуллар тэриллэри, беспилотниктары, радиоэлектроннай киирсии ыстаансыйаларын, снайпердар кэмпилиэктэрин, оптическай тепловизионнай кыҥыыр тэриллэри о.д.а. Биһиги байыаннай дьайыыга көмөлөөх тугу эмит оҥоро сатыыр дьону барыларын өйүөхпүт», — диэн иһитиннэрдэ кини.
Байыаннай дьайыыга инники кирбиигэ буолбут көрсүһүүлэри кэпсииригэр, Юрий Трутнев Уһук Илинтэн сылдьар буойуннар үрдүк таһымнарын, идэлэрин толору баһылаабыттарын бэлиэтээбит. «Саа-саадах тутан дойдуларын көмүскүү сылдьар бар дьоммутугар дириҥ ытыктабыллаахтык сыһыаннаһабын. Биһиги байыастары бэлэмнииргэ сүрүн болҕомтону ууруохпутун наада», — диэтэ.
— Биһиги билигин Сергей Кириенконы кытта бырайыак саҕалаатыбыт. Ыам ыйын 11 күнүттэн 12 сиргэ үөрэтэр кииннэр тэриллиэхтэрэ. Оборуона министиэристибэтин кытта байыастары бэлэмнииргэ үлэлэһэиэхпит, — диэн иһитиннэрдэ Юрий Трутнев.
Дойдуга бэриниилээх гына иитиигэ байыаннай-спортивнай пилотнай кииннэри тэрийиигэ 12 эрэгийиэн талыллыбыт: Бурятия, ДНӨ, Калмыкия, Татарстан, Чечня Өрөспүүбүлүкэтэ, Хабаровскай кыраай, Белгородскай, Кемеровскай, Псковскай, Свердловскай, Тюменскай уобаластар уонна Ямало-Ненецкай автономнай уокурук. Хас биирдии киин биирдии түһүмэххэ 300 киһини бэлэмниэхтэрэ. Бэлэмнэнии болдьоҕо ый устата буолар.
Маны сэргэ өссө биир сүрүн соругунан Арассыыйа саҥа эрэгийиэннэригэр эйэлээх олоҕу олохтооһун буолар. Ааспыт сылтан Уһук Илиҥҥи эрэгийиэннэрэ, ол иһигэр Саха сирэ, Бурятия, Приморскай, Камчатскай уонна Хабаровскай кыраайдар, Амурскай, Магаданскай уонна Сахалинскай уобаластар Донецкай Норуодунай Өрөспүүбүлүкэҕэ социальнай инфраструктураны сөргүтүүгэ көмөлөһөллөр. Ааспыт сылга 300 социальнай эбийиэк сөргүтүллүбүт. Олор истэригэр оскуолалар, уһуйааннар, балыыһалар, элбэх кыбартыыралаах дьиэлэр, суол-иис.
Халаан кэмигэр ууну ыраастыыр систиэмэлэргэ кирдээх уу киирэр. Итинэн сибээстээн, «Водоканал» ууну ыраастыыр ньымаҕа уонна …
Муус ааһыытын кэмигэр Саха сиригэр түөрт нэһилиэк ууга барар кутталлааҕын туһунан гидрометкиин сэрэтэр. Өскөтүн, Өлүөнэ…
Ыам ыйын 8 күнүгэр Дьокуускайга 24 саастаах эр киһи сибэкки атыылыыр маҕаһыыҥҥа киирэн 750 солкуобайдаах…
СӨ ыччат дьыалаларыгар уонна социальнай коммуникацияларга миниистир эбээһинэһин толорооччу, Арассыыйа Дьоруойа Игорь Юргин Арассыыйа Үөрэҕириитин…
Саха сиригэр ойуурга уот турар кутталлаах кэмигэр хаһааҥҥытааҕар даҕаны сэрэхтээх буолуу ирдэнэр. Ыксаллаах түгэн үөскээтэҕинэ,…
Ааспыт өрөбүллэргэ Росгвардия үлэһиттэрэ Саха сиригэр ирдэбилгэ сылдьар үс киһини туттулар. Икки киһи байыаннай борокуратуура…