Хаартыска: ЯСИА
Саха сиригэр байыаннай дьайыы бэтэрээннэрин үөрэх эйгэтигэр үлэҕэ ордук көхтөөхтүк тардар былааннанар. Бу туһунан СӨ Ил Дархана Айсен Николаев үөрэх уонна наука үлэһиттэрин Тохсунньутааҕы мунньахтарыгар иһитиннэрдэ.
Эрэгийиэн салайааччыта биир кэлим үөрэх тиһигин сүрүн соруга билиини биэрии эрэ буолбакка, дьиҥнээх гражданнары — олоххо ситиһиигэ, эппиэтинэскэ уонна уопсастыбаҕа сулууспалааһыҥҥа туһуламмыт күүстээх санаалаах дьону иитэн таһаарыыга сытарын бэлиэтээтэ. Кини этэринэн, судаарыстыба уонна педагогическай уопсастыба уопсай сиэр-майгы өттүнэн иэстэрэ — оҕолору Ийэ дойдуга таптал уонна бэриниилээх буолуу бигэ сыаннастарыгар иитэн таһаарыы буолар.
Айсен Николаев Аҕа дойдуга бэриниилээх буолуу уонна ону көмүскүүргэ бэлэм буолуу үгэстэрин бүгүн байыаннай дьайыыга кыттар саха-буойуннар салгыылларын бэлиэтээтэ. Кинилэр олохторун уопута, күүстээх санаалара, патриотизм уонна дойдуга сулууспалааһын сыаннастара, өрөспүүбүлүкэ Ил Дарханын санаатынан, үөрэх тиһигэр олус наадалаах буолуохтаахтар.
«Кинилэр күүстээх санаалара, патриотизм уонна Ийэ дойдуга сулууспалааһын сыаннастара үөрэх эйгэтигэр — оскуолаларга, училищеларга, эбии үөрэхтээһин систиэмэтигэр — булгуччулаахтык наадалаах буолуохтаахтар», — диэн Айсен Николаев эттэ. Саха сирин Ил Дархана каадыр сулууспаларыгар уонна үөрэх тэрилтэлэрин салайааччыларыгар байыаннай дьайыылар бэтэрээннэрин үөрэх тэрилтэлэригэр үлэҕэ тардыыга ураты болҕомтолорун уурарга сорудахтаата.
«Каадыр сулууспаларыттан, үөрэх тэрилтэлэрин салайааччыларыттан байыаннай дьайыылар бэтэрээннэрин үлэҕэ тардыыга ураты болҕомтону уураргытыгар, наада буоллаҕына кинилэри үөрэтиини, квалификацияларын үрдэтиини тэрийэргэ көрдөһөбүн», — диэн эрэгийиэн баһылыга бэлиэтээтэ. Кини бу ньымалары олоххо киллэрии үөрэх иитэр-үөрэтэр хайысхатын бөҕөргөтүүгэ, оҕолорго уонна ыччакка бигэ сиэр-майгы тускулларын уонна Аҕа дойду көмүскээччилэригэр убаастабылы иҥэриигэ көмөлөһүө диэн бигэ эрэллээх.
Сиһилии: https://www.sakha.gov.ru/news/18900
ИДьМ сулууспатын 1 №-дээх полициятын отделын дьуһуурунай чааһыгар таксыы өҥөтүн оҥорор дьахтар тыллаабыт. Кини массыына…
«Дьиэ кэргэн» национальнай бырайыак «Ийэ уонна оҕо харыстабыла» бырагырааматын чэрчитинэн ыытыллар, 2025 сылга өрөспүүбүлүкэ территориятыгар…
Саха Өрөспүүбүлүкэтин Арбитражнай суутун 2025 с. сэтинньи 11 күнүнээҕи быһаарыытынан, «Саха Өрөспүүбүлүкэтин Биологическай ресурсалар, ураты…
Соторутааҕыта Кытай Харбин куоратыгар Норуоттар икки ардыларынааҕы муус уонна хаар оҥоһуктар күрэхтэһиилэрэ үгэс быһыытынан 37-с…
Соторутааҕыта Мэҥэ Хаҥалас Тиэлигитигэр С.И.Борисова аатынан култуура дьиэтигэр сэргэх тэрээһин буолан ааста. “Кини кимий?” диэн…
Дьоҕус биисинэскэ нолуок уларыйыыларыгар көһүү кэмин киллэрэр туһунан Экэниэмикэ сайдыытын миниистирэ Максим Решетников этии киллэрдэ.…