Байыаннай дьайыы 100 тахса кыттыылааҕа уонна кинилэр дьиэ кэргэттэрин чилиэттэрэ Саха сирин дьарыктаах буолуу киинин көмөтүнэн үлэ буллулар. Бу туһунан бүгүн, атырдьах ыйын 27 күнүгэр, брифинг кэмигэр нэһилиэнньэ дьарыктаах буолуутун Судаарыстыбаннай кэмитиэтин бэрэссэдээтэлин солбуйааччы Георгий Борисов иһитиннэрдэ.
Кини этэринэн, байыаннай дьайыы 38 кыттыылааҕа үлэ булбут. Үлэтэ суоҕунан 32 киһи билиниллибит. Олор истэриттэн сэттэ ЧВК байыастара. Идэ ылар анал үөрэххэ 18 киһини ыыппыттар. Ол курдук кэмиэрчэскэй агент, араас категориялаах суоппар идэтигэр уонна бульдозер машиниһа, харабыл идэлэригэр үөрэнэ киирбиттэр. Сэттэ киһи бэйэ дьыалатын тэриниэхпит диэн өйөбүл миэрэтинэн туһаммыттар. Маны сэргэ, байыаннай дьайыы кыттыылаахтарын дьиэ кэргэттэрин 135 чилиэнэ үлэҕэ киирбиттэр. Анал идэ ылар үөрэххэ 11 киһини ыыппыттар. Парикмахерга, сиэстэрэҕэ үөрэнэргэ. Маны таһынан 20 киһи бэйэ дьыалатын тэринэргэ көмө ылбыт. Ол курдук хаартыскаҕа түһэрэр өҥө, сүөһү иитиитэ, массаастыыр кэбиниэт, косметология өҥөтүн оҥоруу дьыалатын тэриммиттэр.
-Ил Дархан Айсен Николаев сорудаҕынан, Саха сирин дьарыктаах буолуутун сулууспалара байыаннай дьайыы кыттыылаахтарын уонна кинилэр дьиэ кэргэттэрин чилиэннэрин үлэҕэ олохтуурга аадырыстаах көмөнү оҥороллор. «Защитники отечества» судаарыстыбаннай пуонданы кытта кыттыгас тэрээһиннэри ыыталлар, — диэн Георгий Борисов иһитиннэрдэ.
Атырдьах ыйын 16 күнүгэр байыаннай дьайыы кыттыылаахтарыгар уонна кинилэр дьиэ кэргэттэрин чилиэннэригэр анаан үлэ дьаарбаҥката ыытыллыбыт. Манна уопсайа 70 үлэ биэрээччи кыттыыны ылбыт. Дьаарбаҥкаҕа байыаннай дьайыы 50 кыттыылааҕа, 79 кинилэр дьиэ кэргэттэрин чилиэннэрэ, ЧВК уонна «Шторм» этэрээт 18 байыаһа кыттыыны ылбыттар. 18 резюме көрүүгэ сытар.
Норуот дьокутааттара алтынньы 27 күнүгэр Ил Түмэҥҥэ 33-с Федеральнай сокуон иитинэн бэйэбит өрөспүүбүлүкэбитигэр олохтоох бэйэни салайыныы сокуонун…
Саха сириттэн алта устудьуон Москваҕа алтынньы 30 күнүттэн сэтинньи 2 күнүгэр диэри ыытыллар инбэлииттэр уонна…
Ньурба оройуонун суута олохтоох киһини өлөрүүгэ буруйдааҕын билинэн, бириигэбэр таһаарда. Быһылаан бу сыл атырдьах ыйыгар…
Саха сиригэр -40С кыраадыска тиийэ тымныйыа. Гидрометеосулууспа иһитиннэрэринэн, алтынньы 30 күнүгэр түүн хотугулуу-илин намыһах сирдэринэн…
Ааспыт суукка устата Дьокуускайга эмсэҕэлээччитэ суох 7 суол быһылаана таҕыста. Бу туһунан киин куораттааҕы Госавтоинспекция…
Бэтэринээрийэ управлениетын дааннайынан, сыл саҕаланыаҕыттан өрөспүүбүлүкэҕэ 3164 хаһаайына суох кыыл тутулунна. Өссө 137-тэ — приюттарга…