Байыаннай дьайыы 1100-тэн тахса кыттыылааҕа уонна кинилэр дьиэ кэргэттэрэ чөлүгэр түһэриини аастылар

Ю.П. Степанов аатынан инбэлииттэри чөлүгэр түһэрэр өрөспүүбүлүкэтээҕи кииҥҥэ 557  байыаннай дьайыы кыттыылааҕа уонна кинилэр дьиэ кэргэттэрин 555 чилиэнэ доруобуйаларын чөлүгэр түһэрдилэр. Бу туһунан ахсынньы 25 күнүгэр брифинг кэмигэр тэрилтэ дириэктэрэ Асида Алексеева иһитиннэрдэ.

“Биһиги кииммитигэр  байыаннай дьайыы кыттыылаахтарыгар уонна кинилэр дьиэ кэргэттэригэр кэлим чөлүгэр түһэрэр үлэлэр чэрчилэринэн физкултууранан дьарыктар, тыыннарга аналлаах гимнастикалар, физиотерапия процедуралара, массаас, эрготерапия ыытыллар. Ону таһынан уйулҕа өттүнэн көмөлөһүү уонна социальнай-културуунай чөлүгэр түһэрии үлэтэ тэриллэр», — диэтэ Асида Алексеева.

Кини иһитиннэрбитинэн, тэрилтэ “Самородок” бассейны кытары салгыы үлэлэһэр, онно АБДь кыттыылаахтарын уонна кинилэр дьиэ кэргэттэригэр гидрокинезотерапияҕа дьарыктар ыытыллаллар. Ону таһынан киин АБДь кыттыылаахтарыгар уонна кинилэр дьиэ кэргэттэрин Дьокуускай куорат олохтоохторун социальнай харыстабылын управлениетынан, “Аҕа дойду көмүскээччилэрэ” пуонда филиалыныын иһитиннэрэр уонна сүбэлиир үлэни ыытар. Тэрилтэҕэ  байыаннай дьайыы кыттыылааҕа уонна кинилэр дьиэ кэргэттэрин өйүүр миэрэлэр тустарынан араас биэдэмистибэлэр  уонна тэрилтэлэр бэрэстэбиитэллэрин кытта 95 көрсүһүү ыытылынна.