Байыаннай дьайыы 359 кыттыылааҕа реабилитацияны ааста

Өрөспүүбүлүкэҕэ  байыаннай дьайыы 359 кыттыылааҕа уонна 326 байыаннай сулууспалаах дьиэ кэргэттэрэ, ол иһигэр 199 оҕо,  реабилитацияны аастылар, диэн Доруобуйа харыстабылын министиэристибэтэ иһитиннэрэр.

«Өрөспүүбүлүкэ байыаннай дьайыыттан төннүбүт байыаннай сулууспалаахтарга эрэ буолбакка,  дьиэ кэргэттэригэр эмиэ өйөбүлү оҥорор. Реабилитациялыыр тэрээһиннэр Өрөспүүбүлүкэтээҕи мэдиссиинискэй реабилитация уонна успуорт мэдиссиинэтин киинин баазатыгар ыытыллаллар. Манна байыаннай дьайыы кыттыылаахтарын уонна кинилэр чугас дьоннорун доруобуйаларын чөлүгэр түһэрэргэ саамай табыгастаах усулуобуйалар тэриллибиттэр. Киин наадалаах реабилитациялыыр процедуралары уонна манипуляциялары оҥоруу үрдүк таһымын хааччыйар. Бу үлэҕэ физиотерапевтар, травматолог-ортопедтар, неврологтар, психологтар, эмтиир физкултуура быраастара кытталлар», – диэн Доруобуйа харыстабылын министиэристибэтигэр бэлиэтээтилэр.

Кииҥҥэ хас биирдии ыарыһах уратытын учуоттуур тусй реабилитация былааннарын оҥорууга улахан болҕомто ууруллар. Бу былааннарга хамсанар-имсэнэр функциялары чөлүгэр түһэриигэ уоннамассаас, физиотерапия, механотерапия, физкултуура киирэллэр.