Сахагов
Саха сиригэр байыаннай дьайыы 3722 кыттыылааҕар мэдиссиинэ көмөтө оҥоһулунна, диэтэ өрөспүүбүлүкэ Доруобуйа харыстабылын министиэристибэтин Нэһилиэнньэҕэ мэдиссиинэ көмөтүн оҥорууну тэрийиигэ департаменын салайааччыта Дьулустаан Чичахов.
“Амбулаторияҕа көмөнү 2652 киһи, стационарга эмтэниини 1070 киһи туһанна. Мэдиссиинэ өттүнэн чөлүгэр түһүүнү 368 байыаннай сулууспалаах ааста”. – диэтэ Дьулустаан Чичахов.
Ааспыт сыл муус устар ыйыттан Саха сиригэр байыаннай дьайыы кыттыылаахтарыгар диспансеризация тэриллэр. Тэрээһини бары бастакы сүһүөх мэдиссиинэ тэрилтэлэрэ хас субуота аайы ыыталлар. Биир күн устата байыастар бары чинчийиини ааһаллар, сүбэ ылаллар. Кини этэринэн, бу күннээҕи туругунан байыаннай дьайыы 452 бэтэрээнэ сэрэтэр тэрээһиҥҥэ кыттыбыт.
2025 сыл муус устар ыйтан дойдуга “КСВО” Аҕа дойду буойуннарын дьиэ кэргэттэрин кэмитиэтин уонна байыаннай дьайыы кыттыылаахтарын биир кэлим федеральнай чаата үлэтин саҕалаабыта. Уйулҕаһыты кытта суукканы эргиччи кэпсэтиэххэ сөп. Чатка уопуттаах психологтар үлэлииллэр. Анонимнай, тус чахчыларгын ыйыппаттар.
Бу чатка Дьокуускайдааҕы психоневрологическай диспансер 5 психолога үлэлиир. Билиҥҥи туругунан, 356 киһи араас дойдуттан сүбэ ылла.
Билигин Саха сирин медиктэрэ Донецкай Норуодунай Өрөспүүбүлүкэҕэ Докучаевскай куоракка үлэлииллэр. Кинилэр 100 лапароскопическай эпэрээссийэни, 50-ча эчэйиигэ эпэрээссийэни оҥордулар.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Сиһилии: https://www.sakha.gov.ru/news/8265
Мэҥэ Хаҥалас улууһугар Олохтоох бэйэ оҥорон таһаарыы сылын чэрчитинэн, Майа сэлиэнньэтигэр бүгүн «Төрүччү» сылын түмүктүүр…
Саха сиригэр "Мобильнай хирургическай киин" инновационнай бырайыагы олоххо киллэрии салҕанар. Бырайыак Ил Дархан Айсен Николаев…
Түөкүттэртэн дьону быыһаабыт баан үлэһиттэрин наҕараадалаатылар. Ол курдук Арассыыйа баанын салаатыгар саамай болҕомтолоох, эппиэтинэстээх үлэһиттэр…
Оҕону иитэргэ өбүгэлэрбит саҕаттан кэлбит кэс тыллар бааллар. Ол туһунан хаһан эмэ истибиккит буолаарай? Кыыс…
Бүгүн, олунньу 6 күнүгэр, Офтальмология өрөспүүбүлүкэтээҕи балыыһатын кылаабынай бырааһа Иван Луцкан суруналыыстары кытары үгэскэ кубулуйбут…
Горнай улууһугар Атамай орто оскуолатыгар сыллата "Сомоҕолоһуу - ситиһии төрдө" диэн төрөппүт дэкээдэтэ үрдүк таһымнаахтык…