Байыаннай дьайыы 371 кыттыылааҕа үлэ миэстэтинэн хааччылынна

Саха сиригэр кубуоталаах 204 тэрилтэ үлэ миэстэлэригэр 371 байыаннай дьайыы кыттыылаахтарын үлэ миэстэтинэн хааччыйдылар. Бу туһунан бүгүн, бэс ыйын 17 күнүгэр, брифинг кэмигэр нэһилиэнньэ дьарыктаах буолуутун Судаарыстыбаннай кэмитиэтин бэрэссэдээтэлин солбуйааччы Георгий Борисов иһитиннэрдэ.

«Үлэ биэрээччилэри кытта байыаннай дьайыы кыттыылаахтарын уонна кинилэр дьиэ кэргэттэрин үлэ миэстэтинэн хааччыйыы туһунан кэпсэтии үлэ миэстэтин кубуотатын булууттан саҕаланар. Бу сылга бойобуой дьайыы бэтэрээннэрин уонна кинилэр дьиэ кэргэттэрин үлэҕэ киллэриигэ 485 тэрилтэҕэ 885 үлэ миэстэтэ көрүллүбүтэ. Бүгүҥҥү күҥҥэ 371 киһи үлэ миэстэтинэн хааччылынна «, — диэтэ Георгий Борисов.

Бэс ыйын 27 күнүгэр өрөспүүбүүкэ бары дьарыктаах буолуутун кииннэригэр бүтүн Арассыыйатааҕы үлэ дьаарбаҥкатын федеральнай түһүмэҕэ ыытыллыаҕа.