Хаартыска: Андрей Сорокин, СИА
Саха сиригэр 3,8 тыһыынчаттан тахса байыаннай дьайыы кыттыылааҕа мэдиссиинэ көмөтүнэн туһанна.
Доруобуйа харыстабылын министиэристибэтин сүрүн терапева Айталина Торонова брифиҥҥэ иһитиннэрбитинэн, билиҥҥи туругунан өрөспүүбүлүкэҕэ анал байыаннай дьайыы 3 837 кыттыылааҕар мэдиссиинэ көмөтө оҥоһулунна, онтон 2 737 байыаска – амбулаторнайдык, оттон 1 100-кэ – стационарнайдык. Бу туһунан СӨ Ил Дарханын уонна Бырабыыталыстыбатын пресс-сулууспата иһитиннэрэр.
Мэдиссиинэ биэдэмистибэтин бэрэстэбиитэлэ эппитинэн, 368 байыаннай дьайыы кыттыылааҕа мэдиссиинэ реабилитациятын ааста. Психотерапевтическэй уонна психиатрическай мэдиссиинэ көмөтө 758 байыаннай сулууспалаахха оҥоһулунна. Саха сиригэр байыаннай дьайыы кыттыылаахтарын диспансеризацията барбыта сыл буолла, тэрээһиннэр поликлиникаларга субуота аайы ыытыллаллар.
Айталина Торонова этэринэн, билиҥҥи кэмҥэ 522 байыаннай дьайыы бэтэрээн-кыттыылааҕа сэрэтэр дьаһаллары ааста. Байыаннай дьайыы саҕаланыаҕыттан Саха сирин миэдиктэрэ саҥа сирдэринэн үлэлииллэр. Холобур, ааспыт сыдтан Докучаевскай куоракка Саха сириттэн миэдиктэр үлэлииллэр.
Билигин ДНӨ-гэр быраас-хирург үлэлии сылдьар. 49 эпэрээссийэ оҥоһулунна, 11 байыаннай сулууспалаах эмтэнэр, онтон иккитэ – саха буойуннара. Ону таһынан, быйыл муус устар 1 күнүттэн дойдуга Аҕа дойду буойуннарын дьиэ кэргэттэрин кэмитиэтин байыаннай дьайыы кыттыылаахтарыгар уонна кинилэр дьиэ кэргэттэригэр медико-психологическай өйөбүлү оҥорор «Психологы кытта кэпсэтии» диэн Биир кэлим федеральнай чата түүннэри-күнүстэри үлэтин саҕалаата. Чатка уопуттаах, үрдүк квалификациялаах психологтар хамаандалара үлэлиир. Кинилэр араас босхо медико-психологическай консультациялары оҥороллор. Чатка кэпсэтии анонимнай, тус дааннайдар ыйытыллыбаттар. Чатка дойду ханнык баҕарар эрэгийиэнин олохтооҕо кэпсэтиэн сөп. Бу чатка Дьокуускайдааҕы өрөспүүбүлүкэтээҕи психоневрологическай диспансер психологтара үлэлииллэр. Билиҥҥи туругунан дойду араас эрэгийиэннэриттэн 469 гражданиҥҥа консультация ыытылынна.
Психологтар суоһурҕаныы психологическай эмиэ буолуон сөбүн санаталлар. Ол эмиэ сутуруктан итэҕэһэ суох кутталлаах. Аныгы үйэҕэ…
Маҕан сэлиэнньэтин «Ритм» култууратын дьиэтигэр оскуола үөрэнээччилэрин анал байыаннай дьайыы кыттыылаахтарын – аҕалыы-уоллуу Варламовтары кытта…
Ленскэйгэ социальнай эйгэ исписэлиистэригэр аналлаах элбэх кыбартыыралаах дьиэ тутуута саҕаланна. Эбийиэги 2026 сыл төрдүс кыбаарталыгар…
Саха сиригэр саҥа мессенджери киллэрэн эрэллэр. Max диэн дойду мессенджерин Саха сиригэр киллэриини министиэристибэлэртэн, СМИ…
ИДьМ сулууспатын«Дьокуускайдааҕы» 2-с №-дээх полиция отделын дьуһуурунай чааһыгар маҕаһыынтан табаар уоруллубутун туһунан сайабылыанньа киирбит. Уопсайа…
Эбээлэр уонна эһээлэр оҕолор төрөппүттэрин көҥүлүнэн сиэннэрин бэйэлэрин пааспардарыгар киллэттэрэр кыахтаах буолуохтаахтар. Бу туһунан ТАСС-ка …