Байыаннай дьайыы 524 кыттыылааҕа доруобуйатын чөлүгэр түһэриини ааспыт

Байыаннай дьайыы 524 кыттыылааҕа уонна 512 байыаннай сулууспаах, бэтэрээн дьиэ кэргэнин чилиэнэ Ю.П.Степанов аатынан инбэлииттэр доруобуйаларын чөлүгэр түһэрэр өрөспүүбүлүкэтээҕи социальнай-чэбдигирдэр кииҥҥэ доруобуйатын чөлүгэр түһэриини ааспыт. Ити туһунан брифиҥҥэ тэрилтэ дириэктэрэ Асида Алексеева иһитиннэрбит.

“Биһиги кииммитигэр байыаннай дьайыы кыттыылаахтарын уонна кинилэр дьиэ кэргэттэрин доруобуйаларын чөлүгэр түһэрэр үлэ салгыы ыытыллар. Бу үлэ Ил Дархан Айсен Сергеевич Николаев сорудаҕынан барар” – диэн Асида Июньевна бэлиэтиир.

Кини этэринэн, манна барыта байыаннай дьайыы 241 бэтэрээнин уонна 317 кинилэр дьиэ кэргэттэрин чилиэнин эмтээбиттэр. Ону тэҥэ, тустаах киин социальнай өйөбүл миэрэлэрин туһунан тиһигин быспакка иһитиннэрэр, сүбэлиир үлэни ыытар. Араас биэдэмистибэлэри, тэрилтэлэри кытта барыта 86 көрсүһүүнү тэрийбиттэр. Бу туһунан Ил Дархан уонна Бырабыыталыстыба пресс-сулууспата иһитиннэрэр.