Байыаннай дьайыы 579 кыттыылааҕа уонна кинилэр дьиэ кэргэттэрин чилиэннэрэ Саха сиригэр кубуоталаах миэстэлэргэ үлэҕэ ылылыннылар

Бүгүн өрөспүүбүлүкэҕэ 282 тэрилтэҕэ кубуоталаах миэстэлэргэ  байыаннай дьайыы 579 кыттыылааҕа уонна кинилэр дьиэ кэргэттэрин чилиэннэрэ үлэҕэ киирдилэр, диэн атырдьах ыйын 4 күнүгэр брифиҥҥэ Саха сирин Бырабыыталыстыбатын Бэрэссэдээтэлин солбуйааччы Георгий Степанов иһитиннэрдэ.

“Нэһилиэнньэ дьарыктаах буолуутун судаарыстыбаннай кэмитиэтин бирикээһинэн 485 тэрилтэҕэ 885 үлэ миэстэтэ байыаннай дьайыы кыттыылаахатрыгар уонна кинилэр дьиэ кэргэттэригэр олохтоммута. Бүгүн бу көрдөрүү 65 % тэҥнэһэр”, — диэтэ Георгий Степанов.

Вице-премьер иһитиннэрбитинэн, федеральнай бүддьүөттэн субвенция суотугар үлэтэ суох буолуунан босуобуйа төлөнөр.

Саха сиригэр аадырыстаах көмө салҕанар.

Ол курдук, бүгүҥҥү туругунан олорор дьиэҕэ гааһы киллэриигэ 192 ыалга көмө оҥоһулунна. Байыаннай сулууспалаахтар 723 төрөппүтэ сонотуоруйга эмтэннилэр. Байыаннай сулууспалаах эмтэнэ барарыгар 541 киһиэхэ материальнай көмө оҥоһулунна. Суоппарга бэлэмнээһин бырагырааматынан үөрэммит 18 киһи толуйуу ылла.

Байыаннай дьайыы 1330 кыттыылааҕа уонна 2509 дьиэ кэргэн чилиэнэ чөлүгэр түһэриини аастылар. 449 киһиэхэ дьиэтигэр социальнай көмөнү ылла.

918 киһи үлэнэн хааччыйар кииҥҥэ сырытта, ол иһигэр 335 кыттыылаах уонна кинилэр дьиэ кэргэттэрин 583 чилиэнэ. Кинилэртэн 170 киһини идэҕэ үөрэттэрэ ыыттылар, 564 киһи үлэ булла.

Саха Өрөспүүбүлүкэтин Ил Дарханын уонна  Саха Өрөспүүбүлүкэтин Бырабыыталыстыбатын пресс-сулууспата.