Сахагов хаартыската
Нэһилиэнньэ дьарыктаах буолуутун сулууспатын уорганнара байыаннай дьайыы кыттыылаахтарын уонна кинилэр дьиэ кэргэттэрин чилиэннэрин үлэҕэ ылыыга көмөлөһөллөр.
“Байыаннай дьайыы кыттыылаахтарын уонна кинилэр дьиэ кэргэттэрин чилиэннэрин оробуочай миэстэлэри кубуоталааһын туһунан СӨ сокуонугар олоҕуран үлэҕэ ылаллар. Ол курдук, 2024 сылга кубуоталаах 802 миэстэҕэ үлэҕэ ылыахтара”, — диэтэ олунньу 6 күнүнээҕи брифиҥҥэ Саха сирин нэһилиэнньэ дьарыктаах буолуутун судаарыстыбаннай кэмитиэтин бэрэссэдээтэлин солбуйааччы э.т. Георгий Борисов.
Бу судаарыстыбаннай өҥөлөрү сэргэ үлэни биэрээччилэргэ хамнас төлөбүрүгэр толуйуу тэрээһиннэрэ олоххо киирэллэр.
Нэһилиэнньэ дьарыктаах буолуутун сулууспатыгар байыаннай дьайыы 96 кыттыылааҕа үлэ көрдөспүтэ, ол иһигэр быйыл 5 киһи. Кинилэртэн 41 киһини үлэҕэ ылларбыттара, ол иһигэр 2024 сылга — 3 бэтэрээни.
Байыаннай дьайыы 39 кыттыылааҕа маннык идэлэргэ эбии үөрэннэ: погрузчик суоппара, бульдозер, кыраан, экскаватор машинистара, КИПиА силиэсэрдэрэ, сантехниктар, “С”, “Д”, “Е” категориялаах суоппардар. Алта бэтэрээн бэйэ дьыалатын арыйыыга үбүнэн көмөнү ылбыта.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Ил Дархан Айсен Николаев Бырабыыталыстыбаны уонна Баһылык дьаһалтатын кытары бүгүҥҥү мунньаҕар уталытыллыбакка быһаарыллыахтаах сүрүн соруктары…
Таатта улууһун Уолба нэһилиэгиттэн чугас тыатааҕы сылдьарын көрбүттэрин туһунан видео социальнай ситимҥэ тарҕанна. Биһиги нэһилиэк…
Уһук Илиҥҥэ ыытыллар «Это у нас семейное» куонкуруска кыайбыт 30 ыал олорор усулуобуйаларын тупсаралларыгар биэс…
Өлүөхүмэ оройуонугар булчуттар бэйэлэрин көмүскэнээри оҕолордоох эһэни өлөрбүттэрэ чопчуланна. Ийэ эһэ булчуттарга саба түспүтүн ыппыттар,…
Быйыл Бүлүү өрүс 4 күн эрдэлээн уһунна. Бүлүү өрүскэ Сата уонна Дабдай арыыларын икки ардыгар…
Бэҕэһээ Дьокуускай куорат Култуура уонна сынньалаҥ пааркатын кэтэҕэр "Российский Азимут-2024" спортивнай ориентированиеҕа Бүтүн Арассыыйатааҕы маассабай…