Быйыл өрөспүүбүлүкэ тэрилтэлэринэн байыаннай дьайыы кыттыылаахтарын уонна кинилэр дьиэ кэргэттэрин үлэҕэ киллэрэргэ 914 үлэ миэстэтэ олохтоммута. Алтынньы 1 күнүнээҕи туругунан былаан толорулунна, диэн Дьарыктаах буолууга судаарыстыбаннай кэмитиэтэ иһитиннэрэр. Бу туһунан www.sakha.gov.ru суруйар.
«379 тэрилтэҕэ олохтоммут кубуота чэрчитинэн 914 киһи үлэлиир, ол иһигэр 239-на байыаннай дьайыы кыттыылааҕа», – диэн Нэһилиэнньэ дьарыктаах буолуутун судаарыстыбаннай кэмитиэтигэр бэлиэтээтилэр. Саха сирэ РФ бастакы субъектарыттан биирдэстэринэн байыаннай дьайыы кыттыылаахтарын үлэҕэ киллэриини көҕүлүүр, үлэ миэстэтин кубуоталыыр дьаһалы туһанар буолбут.
2012 сылтан өрөспүүбүлүкэҕэ «Саха Өрөспүүбүлүкэтигэр үлэни булууга ыарахаттары көрсөр гражданнары үлэҕэ киллэрэргэ үлэ миэстэтин кубуоталыыр туһунан» сокуон үлэлиир. 2023 сыл муус устар ыйыгар кубуота олохтонор гражданнарын категориялара «Байыаннай дьайыы кыттыылаахтара уонна кинилэр дьиэ кэргэттэрэ» диэн категориянан эбиллибиттэрэ.
Байыаннай дьайыы кыттыылаахтарын үлэҕэ киириилэрин таһымын үрдэтэр сыалтан, СӨ Дьарыктаах буолууга судаарыстыбаннай кэмитиэтин көҕүлээһининэн, «Саха Өрөспүүбүлүкэтигэр үлэни булууга ыарахаттары көрсөр гражданнары үлэҕэ киллэрэргэ үлэ миэстэтин кубуоталыыр туһунан» сокуонугар уларытыылар киллэриллэллэр. Сокуон барылынан байыаннай дьайыы кыттыылаахтарын үлэҕэ киллэриигэ кубуотаны улаатыннарыы көрүллэр. Ол курдук, үлэһиттэрин орто испииһэгин ахсаана 100-тэн тахса киһилээх үлэ биэрээччилэргэ бу сыыппара 3 %-ҥа тэҥнэһиэҕэ, оттон үлэһиттэрин орто испииһэктээх ахсаана 35-тэн 100-кэ диэри киһилээх үлэ биэрээччилэргэ 2 % буолуоҕа. Сокуон барыла Ил Түмэн уочараттаах пленарнай мунньаҕар көрүлүннэ уонна бастакы ааҕыыга ылылынна. Уларытыылар 2026 сыл кулун тутар 1 күнүттэн күүстэригэр киириэхтэрэ былааннанар.
Саха сиригэр дьоҕус уонна орто биисинэһи мэктиэлээһининэн өйүүргэ саҥа бородуукта үлэлээтэ. Бу туһунан Урбааны сайыннарыы…
Дьокуускайга «Спортивнай» түөлбэҕэ сыл бүтүөр диэри элбэх өҥөнү оҥорор успуорт саалатын тутуута түмүктэниэ. «2021 сылтан…
Дьокуускайга алтынньы 24 күнүгэр Саха сиригэр уонна Арассыыйаҕа Ийэ күнүгэр анаммыт тэрээһиннэри ыытыахтара. Саха сирин…
СӨ Ил Дархана Айсен Николаев уонна «Универсальнай университет» (Universal University) АН үрдүк үөрэх тэрилтэтин дириэктэрэ…
Өрөспүүбүлүкэтээҕи 2 нүөмэрдээх балыыһа-Мэдиссиинэ суһал көмөтүн киинин хирургияҕа мобильнай киинэ Булуҥ улууһун Оройуоннааҕы киин балыыһатыгар…
Бастатан туран, оҕолор уонна ыччат билимҥэ, чинчийэр үлэҕэ интэриэстэрин тардар сыалтан Саха сиригэр сыл аайы…