Байыаннай дьайыы байыастарыгар алта тырааныспары биэрдилэр

Гражданскай оборуона уонна нэһилиэнньэ олоҕор куттал суох буолуутун хааччыйар миниистир Дмитрий Лепчиков  эппитинэн, 2025 сылга Дьокуускай – ДНӨ маршрутунан 29 тырааныспар эриэйсэтэ оҥоһуллубут.

“Бэс ыйыгар биһиги байыастарбытыгар икки массыынаны, биир квадроциклы уонна үс матасыыкылы ыыттыбыт. Саха сирин тирэх пууннара байыастарга бородуукталары уонна баһыылкалары тиэрдэ тураллар”, — диэтэ спикер.

Миниистир эппитинэн, “Үтүө быһыы үбүлүөйдээх маршрута” аахсыйаҕа волонтердар хамсааһыннара, “Биир ньыгыл Арасыыйа” баартыйа первичнэй салаалара, олохтоох бэйэни салайыныы бэрэстэбиитэллэрэ көхтөөхтүк кытталлар, диэн суруйар Ил Дархан, бырабыыталыстыба пресс-сулууспата.