Хаартыска: sakha.gov.ru
Саха сирин психологтара байыаннай дьайыы кыттыылаахтарын ийэлэрин өйүүргэ туһуламмыт «Искусство терапията» диэн саҥа бырайыагы саҕалаатылар.
Бу туһунан олунньу 13 күнүгэр өрөспүүбүлүкэтээҕи психологическай киин дириэктэрэ Владимир Скрябин иһитиннэрдэ.
Спикер этэринэн, саҥа бырайыак бастакы дьарыктаныыта буолан ааста, аныгыскы дьарыктаныыларга сурутуу салҕанан барыаҕа.
«Дьокуускайга «Искусство терапията» бырагыраама бастакы дьарыктаныыта буолла. Сыала-соруга дьахталлары өйүүр уопсастыбаны тэрийии, кыттааччылар психоэмоциональнай туруктарын өйөөһүн, бэйэни билэр дьоҕурдарын сайыннарыы буолар. Бу «Возрождение» бырайыагы кытта холбоһуктаах бырагыраама, байыаннай дьайыы байыастарын кэриэһигэр анаммыт тэрилтэ», — диэтэ Скрябин.
Кини иһитиннэрбитинэн, Саха сирин психологтара биирдиилээн уонна бөлөҕүнэн 740 консультацияны ыыппыттар. Үлэ өрөспүүбүлүкэ иһигэр да, таһыгар да (Доннааҕы Ростов куорат госпиталын направлениетын нөҥүө) барар. Манан байыаннай дьайыы 600 кыттааччыта уонна кинилэр дьиэ кэргэттэрэ хабылыннылар.
Психологтары кытта 8 (4112) 31-91-09 нүөмэргэ (үлэ кэмигэр) эрийэн билсиэххэ сөп. Бу нүөмэринэн өрөспүүбүлүкэтээҕи психологическай киин улуустарга баар филиалларын нүөмэрин булаҕын. Күнүстэри-түүннэри үлэлиир көмө линията эмиэ баар: 8-800-100-35-50 эбэтэр 122, салгыы 6 уонна 2. Психологтарга байыаннай дьайыы направлениелаах эрэ буолбакка, ааккын-суолгун эппэккэ да эрийиэххэ сөп. Атын аатынан да суруттараҕын, диэн иһитиннэрэр Ил Дархан, бырабыыталыстыба пресс-сулууспата.
Дьокуускайга олунньу 22 күнүгэр "Быть здоровым -- это модно!" диэн 14-с төгүлүн ыытыллар Норуоттар икки…
Педагогическай наука кандидата Елизавета Петровна Гуляева ыҥырыытынан, Ийэ тыл күнүгэр Дьокуускай куорат 31 нүөмэрдээх орто…
Саха сирин сүүмэрдэммит хамаандатын дзюдоистката Аина Моисеева Ташкент куоракка ыытыллар «Большой шлем» күрэхтэһиигэ дойду сүүмэрдэммит…
Тимофей Сметанин уонна Яков Стручков кэпсээннэринэн уһуллубут "Мэхээлэчээн булчут" киинэ кулун тутар 19 күнүттэн улахан…
Бүгүн, олунньу 13 күнүгэр, Дьокуускай куоракка «Патриот» ыччат киинигэр оҕону, ыччаты патриотическай иитиигэ улахан суолталаах…
Полиция Дьокуускай куорат тылы сайыннарар оскуолатыттан сыаналаах кинигэни уорууга уорбаланар киһини быһаарбыт. ИДьМ Дьокуускайдааҕы 4-с…