Хаартыска СӨ Бырабыыталыстыбатын пресс-сулууспатыттан
Байыаннай дьайыы бэтэрээнэ Андрей Шелковников «СВОй бизнес» үөрэх бырайыагар кыттыыны ылан баран, таһаҕаһы таһыы эйгэтигэр биисинэс-былаанын ситиһиилээхтик көмүскээн, 100000 солк. грант хаһаайынынан буолбутун туһунан «Аҕа дойдуну көмүскээччилэр» пуондаларын Саха сиринээҕи салаата иһитиннэрэр.
Андрей сулууспата 2021 сыллаахха РФ Оборуонатын министиэристибэтин кытта дуогабар түһэрсииттэн саҕаламмыта. Кини 14-с спецназ биригээдэтигэр сулууспалаабыта уонна байыаннай дьайыы саҕаланыаҕыттан кыттыбыта. Буойун эйэлээх олоххо төннөн кэлэн баран «Аҕа дойду көмүскээччилэрэ» пуондаҕа сылдьыбыт. Киниэхэ анаммыт социальнай координатор Туяна Макарова кэлим өйөбүлү таһынан, бэтэрээн C, D и E суоппар категорияларын ыларыгар хаттаан үөрэнэригэр көмөлөспүтэ. Бэтэрээн саҥа быраабынан таһаҕаһы тиэйии эйгэтигэр үлэлии киирбит. Манна үчүгэй уопуту ылан баран, бу эйгэҕэ бэйэтин дьыалатын арыйарга быһаарыммыт.
«Мин социальнай координаторым – бэйэтин дьыалатыгар бэриниилээх, олус үтүө, эппиэтинэстээх киһи. Биһиги мэлдьи кэпсэтэбит, хаһан баҕарар киниттэн сүбэ-ама көрдөһүөхпүн сөп», — диэн бэтэрээн санаатын үллэһиннэ.
Үөрэх бырайыагын туһунан кини СМИ-тэн билбитэ, оттон бэйэтин биисинэһин аһар санааны өрдөөҕүттэн толкуйдаабыт.
«Бойобуой табаарыстарга маннык бырагыраамаларга кыттарга сүбэлиибин: спикердэр дьоһуннаахтар, бастыҥ тэрилтэ, оттон партнердар бириистэрэ астык бонус буолбуттара. «Аҕа дойдуну көмүскээччилэр» пуондаларын ыҥырбыттарын уонна «Мин биисинэһим» тэрилтэ билиини биэрбиттэрин иһин махтанабын», — диэн Андрей Шелковников бырайыагы тэрийээччилэргэ махталын эттэ.
Анал байыаннай дьайыы кыттыылаахтарыгар анаан «СВОй бизнес» федеральнай үөрэх бырагыраамата «Аҕа дойдуну көмүскээччилэр» пуондаларын Саха сиринээҕи салаатынан сэтинньи 10 күнүгэр саҕаламмыта. Биэс күн устата бырагыраама 25 кыттыылааҕа урбаан төрүтүн туһунан билиини ылбыттара, бииснинэс-былааннары оҥорон көмүскээбиттэрэ.
«СВОй бизнес» бырайыак СӨ Урбааҥҥа, атыыга-эргиэҥҥэ уонна туризмҥа министиэристибэтин, «Биир ньыгыл Арассыыйа» баартыйа, «Арассыыйа тирэхтэрэ», «МСП Корпорация» АУо уонна «Мин биисинэһим» киин өйөбүлүнэн «Көдьүүстээх уонна күрэстэһиилээх экэниэмикэ» национальнай бырайыак чэрчитинэн ыытыллар. Сиһилии: https://www.sakha.gov.ru/news/15860
Кэнники биэс сыл иһигэр Дьокуускай куорат нэһилиэнньэтин ахсаана улаатта уонна прописката суох олорор гражданнары аахтахха,…
Саха сириттэн үс тыйаатыр Галиаскар Камал аатынан Татаар судаарыстыбаннай академическай тыйаатырын сыанатыгар «Олонхо – вечное…
Ахсынньы 1 күнүгэр Дьокуускай киин уулуссаларыгар киэһэ 16:50 чаастан 17:45 чааска диэри тырааныспар сырыыта хааччахтаныаҕа.…
Омук сирин социальнай ситимнэригэр, Instagram* уонна Facebook*, угуйугу таһаарбыт иһин накаастабылы 1 мөл. солкуобайга диэри…
Сэтинньи 23 күнүгэр Дьокуускай куоракка Арчы дьиэтигэр Күөх Ньурбаттан төрүттээх күндү-мааны дьоннорбут төрүттээх түһүлгэлэрэ үрдүк…
РФ Бэрэсидьиэнэ Владимир Путин көҕүлээбит «Кадры» национальнай бырайыагын састаабыгар киирэр «Дьарыктаах буолууга көхтөөх көмө» федеральнай…