Хаартыска: sakha.gov.ru
Ньурба улууһун олохтооҕо Гаврил Сидоров бэйэтин автосервиһыгар биир дойдулаахтарын массыыналарын өрөмүөннүүр.
Байыаннай дьайыы кыттыылааҕа, бойобуой дьайыылар бэтэрээнэ урбаанньыт буоларга дьулуһар дьону өйүүр бырагыраама көмөтүнэн бэйэтин дьыалатын арыйар кыахтанна. Бу туһунан СӨ Ил Дарханын уонна бырабыыталыстыбатын пресс-сулууспата иһитиннэрэр.
Байыас бизнес-былаан оҥорон, хамыыһыйа иннигэр көмүскээн, 350 тыһ. суумалаах социальнай хантараак оҥорсубут. Бу харчытыгар наадалаах оборудованиены атыыласпыт, бэйэтин сервиһын аспыт.
«Биһиги өрөспүүбүлүкэбитигэр маннык судаарыстыбаннай бырагыраама үлэлиир, ол иһигэр байыаннай дьайыы кыттааччыларын өйөөһүн. Бу бэйэ дьыалатын тэриниэн баҕалаах дьоҥҥо биир үктэл буолар. Бизнеспин өссө кэҥэтэр былааннаахпын. Өрөспүүбүлүкэҕэ «Аҕа дойдуну көмүскээччилэр» байыаннай дьайыы кыттааччыларын өйүүр судаарыстыбаннай пуонда филиала эмиэ баар. Кэлбит дьону кинилэри кытта сибээстэһэллэрин сүбэлиэм этэ», — диэн бойобуой дьайыылар бэтэрээннэрэ Гаврил Сидоров санаатын үллэһиннэ.
Арассыыйа бэрэсидиэньэ Владимир Путин көҕүлээһининэн Саха сиригэр култуура эйгэтэ сайдар. «Симэх» национальнай киин бэрэсидьиэн Гранынан…
А.Е.Кулаковскай-Өксөкүлээх Өлөксөй аатынан норуоттар сомоҕолоһууларын дьиэтигэр "Эйэ туһугар норуоттар сомоҕолоһуулара" Ыччат пуорума буолла. Тэрээһиҥҥэ ыччат…
Бүгүн, сэтинньи 3 күнүгэр, байыаннай дьайыы 25 байыаһын П.Ойуунускай аатынан норуоттар икки ардыларынааҕы аэропорка көрүстүлэр.…
Дьокуускайга П.А.Ойуунускай аатынан литература түмэлигэр бүгүн, сэтинньи 3 күнүгэр, күнүс 14.00 ч. "Дружба литератур –…
Уус Алдан улууһугар Өспөххө мобильнай интэриниэт вышката турда. 4G сибээскэ холбоммотох 100-1000 ахсааннаах нэһилиэнньэлээх пууннарыы…
Бу күннэргэ күн-дьыл туруга хайдаҕый? Өрөспүүбүлүкэ арҕаа, соҕуруу диэки өттүгэр сорох сирдэринэн балачча хаардыа, сорох…