ЯСИА хаартыската
Байыаннай дьайыы бэтэрээнэ Айтал Дьячковскай Чурапчы улууһугар Сылаҥҥа 5 №-дээх муниципальнай баһаарынай чааска үлэлиир. Бу туһунан «Аҕа дойдуну көмүскээччилэр» пуонда филиалыттан иһитиннэрэллэр.
—Айтал Дьячковскай — бойобуой дьайыылар бэтэрээннэрэ эйэлээх олоххо ситиһиилээхтик төннөн, уопсастыбаҕа салгыы сулууспалыылларын дьоһуннаах холобура, — диэн пуонда социальнай координатора Сергей Атласов бэлиэтиир.
Айтал Чурапчыттан төрүттээх. Бойобуой суола 2024 сыл сааһыттан саҕаламмыта. Ити сыл сэтинньититтэн байыаннай эпэрээссийэ ыытыллар сиригэр-уотугар судаарыстыбаннай кыраныыссаны көмүскүүр дьоһуннаах соругу толорбут. Демобилизацияланан баран төрөөбүт сэлиэнньэтигэр кэлэн төрөппүттэригэр хаһаайыстыбаҕа көмөлөспүт. Инникитин тугу үлэлиэхтээҕин туһунан толкуйдаабыт.
Маныаха «Аҕа дойдуну көмүскээччилэр» пуонда социальнай координатора Сергей Атласов байыаннай дьайыы бэтэрээнигэр бары өттүнэн өйөбүлү оҥорбут: бойобуой дьайыылар бэтэрээннэрин дастабырыанньатын ыларыгар, сир учаастагын биэриигэ уонна ордук суолталааҕынан, үлэҕэ-хамнаска көмөлөспүт.
Бүгүн кини Айтал Дьячковскай Чурапчы улууһугар Сылаҥҥа 5 №-дээх МПЧ баһаарынайынан ситиһиилээхтик үлэлии сылдьарын бэлиэтиир.
—Бу идэ кини байыаннай дьайыы сиригэр-уотугар толору көрдөрбүт хаачыстыбатын — хорсун буолары, түргэнник толкуйдуу охсору уонна бэйэни сатаан салайынары ирдиир. Бэтэрээн үлэтин сэргэ, Арктикатааҕы судаарыстыбаннай агротехнологическай университекка үөрэҕин салгыыр. Пуонда филиала тэрилтэлэри уонна уопсастыбаннаһы кытта ыкса сибээстэһиитэ хас биирдии бойобуой дьайыы бэтэрээнэ түргэнник уонна толору кээмэйинэн өйөбүлү ыларыгар көмөлөһөрүн мэктиэлиир, — диир Сергей Атласов.
РФ Бэрэсидьиэнэ Владимир Путин сорудаҕынан тэриллибит «Аҕа дойдуну көмүскээччилэр» судаарыстыбаннай пуонда байыаннай дьайыы бэтэрээннэригэр үлэҕэ-хамнаска, социальнай адаптацияҕа уонна профессиональнай сайдыыга бары өттүнэн көмөтө салҕанар.
Сиһилии: https://www.sakha.gov.ru/news/26414
СӨ Ил Дарханын уонна Бырабыыталыстыбатын пресс-сулууспата
Атамайга "Радуга" уһуйааҥҥа "Чобуо чуорааннар" бырайыак бэһис төгүлүн үрдүк таһымнаахтык ыытылынна. Бу уһуйаан иитиллээччилэригэр төрөөбүт…
Саҥа хотоҥҥо киириигэ хотон ортоку өһүөтүгэр салама ыйыыллар. Үрүҥ сиэлтэн харандаас суонун саҕа гына ситии…
Федерация Сэбиэтин федеративнай тутулга, эрэгийиэн бэлиитикэтигэр, олохтоох салайыныыга уонна хоту дойду дьыалаларыгар кэмитиэтин бэрэссэдээтэлин солбуйааччы…
Түөкүттэр араас албаһы толкуйдаан, дьону албыннарыгар киллэрэн иһэллэр! Ааспыт нэдиэлэҕэ тоҕус киһини угаайыларыгар киллэрбиттэр. Ол…
Быйыл "Земскэй тириэньэр" бырагыраама иитинэн 18 миэстэ көрүллүбүт. Бу туһунан СӨ физическэй култууратын уонна успуордун…
Саха сиригэр дьарыктаах буолуу сулууспатынан сыл саҕаланыаҕыттан байыаннай дьайыы 25 кыттыылааҕа уонна кинилэр дьиэ кэргэттэриттэн…