Байыаннай дьайыы бэтэрээнэ бэйэ дьыалатын арыйбыт

2023 сыл сэтинньитигэр Сергей Мандаров Российскай Федерация Оборуонаҕа министиэристибэтин кытта хантараак түһэрсибит. Сулууспатын штурмовик дуоһунаһыгар 57-с биригээдэ састаабыгар ааспыт, ДНӨ Волновахскай оройуонугар бойобуой дьайыыларга кыттыбыт. Ыарахан бааһырыыны ылан, 2024 сыл сэтинньитигэр демобилизацияламмыт.

Сергей дьиэтигэр төннөн кэлэн, байыастары өйүүр пуонда филиалыгар тиийбит. Кини кураторынан социальнай координатор Анна Андреева буолбут. Бу туһунан СӨ Ил Дарханын уонна Бырабыыталыстыбатын пресс-сулууспата иһитиннэрэр.

Арыаллааһын чэрчитинэн, араас көмө оҥоһуллубут. 2024 сыл ыам ыйыгар МСЭ эспэртииһэтин түмүгүнэн,  3 группалаах инбэлиит буолбут. Ол да буоллар пуонда өйөбүлүнэн уонна бэйэтин баҕа санаатынан комплекснай эбиэттэри буһаран атыылааһынынан дьарыктаммыт.

Билигин Сергей самозанятай уонна ас-үөл эйгэтигэр биисинэһин ситиһиилээхтик сайыннарар. Кини комплекснай эбиэттэри бэйэтэ бэлэмнээн, Дьокуускай куорат олохтоохторугар тэрилтэнэн атыылыыр.

«Мин социальнай координаторым бэйэ дьыалатын арынарга улахан өйөбүлү оҥорбута. Бородууксуйабын бастакынан пуонда филиалын үлэһиттэрэ сыаналаабыттара. Билигин аймахтарым уонна доҕотторум көхтөөхтүк көмөлөһөллөр. Үлэбин сайыннарарга, бородууксуйа хаачыстыбатынан тупсарарга дьулуһабын», — диэн бэлиэтээтэ Сергей Мандаров.