Байыаннай дьайыы бэтэрээнэ Бүтүн Арассыыйатааҕы аахсыйаҕа кытынна

Байыаннай дьайыы бэтэрээнэ Аркадий Пудов «Ускуустуба түүнэ» диэн Бүтүн Арассыыйатааҕы аахсыйа чэрчитинэн ыытыллыбыт тэрээһиҥҥэ кытынна.

Национальнай бибилэтиэкэҕэ мустубут ыалдьыттары, устудьуоннары, ыччаты, уопсастыбаннаһы кытары санаатын үллэһиннэ. Байыаннай сулууспа, бойобуой бырааттыылар уонна байыастар төрөөбүт дойдуга бэриниилэрин туһунан кэпсээтэ.

Аркадий Пудов Донбасс доброволецтарын сойууһун Саха сиринээҕи салаатын салайар. Бүгүҥҥү күҥҥэ манна 400 чугаһыыр киһи киирэр. Кинилэр гуманитарнай көмөнү хомуйан, түмэн инники күөҥҥэ сылдьар байыастарга ыыталлар.

Национальнай бибилэтиэкэ ыҥырыытынан көрсүһүүгэ олоҕун толук уурбут байыас ийэтэ, өрөспүүбүлүкэ инники күөҥҥэ сылдьар волонтера, байыаннай дьайыы саҕаланыаҕыттан байыастарга уонна кинилэр дьиэ кэргэттэригэр көмөнү оҥоруунан дьарыктанар Светлана Диодорова-Лаврентьева, уо.д.а. кыттыыны ыллылар.

Сиһилии: https://www.sakha.gov.ru/news/14973

СӨ Ил Дарханын уонна Бырабыыталыстыбатын пресс-сулууспата