Хаартыска: СӨ Ил Дарханын уонна Бырабыыталыстыбатын пресс-слуууспата
Анал байыаннай дьайыы бэтэрээнэ Дмитрий Килигин от ыйын 25-29 күннэригэр Казань куоракка ыытыллар «Абилимпикс» национальнай чөмпүйэнээт сүүмэрдиир түһүмэҕэр Саха сирин аатыттан кыттыаҕа.
Чөмпүйэнээт Арассыыйа Бэрэсидьиэнэ Владимир Путин сорудаҕынан ыытыллар.
«Биһиги байыастарбыт дойдуларыгар кыайыылаах эргиллиэхтэрэ, онон былаас уонна уопсастыба иннигэр олус улахан сорук турар. Кинилэр эйэлээх олоххо төннөллөрүгэр көмөлөһөргө бэлэм буолуохтаахпыт. Хас биирдии буойуҥҥа толору реабилитацияны хааччыйыахтаахпыт. Уолаттарга үлэнэн эрэ буолбакка, идэлэрин уларытан үөрэнэллэригэр кыаҕы биэриэххэ наада», – диэн Ил Дархан Айсен Николаев урут бэлиэтээбитэ.
Дмитрий Килигин «Автомобиллары өрөмүөннээһин уонна көрүү-харайыы» диэн компетенцияҕа кыттыаҕа. Билигин Дмитрий Феликсович В.М. Членов аатынан Дьокуускайдааҕы индустриальнай-педагогическай кэллиэс баазатыгар уопуттаах уһуйааччы Павел Олесов салайыытынан чөмпүйэнээккэ күүскэ бэлэмнэнэр.
Дмитрий Килигин кэпсээбитинэн, чөмпүйэнээккэ күүһүн холоноругар «Аҕа дойду көмүскээччилэрэ» пуонда этии киллэрбит. Оттон бэтэрээн компетенцияны талбыта түбэспиччэ буолбатах – кини урут суоппарынан үлэлээбит буолан, массыына өрөмүөнүгэр уопуттаах. Билигин бэтэрээн бээтинсэ аайы кэллиэс мастарыскыайдарыгар күрэх сорудахтарын дьарыктанан оҥорор. Сиһилии манна ааҕыҥ.
Өймөкөөн улууһугар айылҕа алдьатыылаах халаана олохтоохторго улахан хоромньуну аҕалла. [gallery ids="229247,229246,229245,229244,229243,229242,229241"] СӨ Гражданскай оборона дьыалаларын…
Hh.ru онлайн-рекрутинг аналитиктара Саха сиригэр ханнык хайысхаҕа үлэлиир исписэлиистэр саамай үрдүк хамнаһы аахсалларын быһаардылар. Бу…
Өймөкөөҥҥө үс бөһүөлэк, ол иһигэр Хара Тумул уонна Биэрэк Үрдэ бүтүннүү ууга барда диэн СӨ…
Академик Наталья Бехтерева үс сүбэтэ: 1. Олох тэтимин бытаардымаҥ. Кырдьыы эмиэ олох салгыыта буолар. Онон…
СӨ баһылыга Айсен Николаев РФ тырааныспарка миниистирин Андрей Никитины кытары көрүстэ. Бу туһунан СӨ Баһылыгын…
От ыйын 12-15 күннэригэр Дьокуускайга байыастар таҥастарын тигиигэ "Стежка за стежкой, метр за метром" өрөспүүбүлүкэтээҕи…