Байыаннай дьайыы бэтэрээнэ хомунаалынай хаһаайыстыбаҕа үлэлиир

Евгений К.  байыаннай дьайыы буола турар сиригэр 2022 сыл балаҕан ыйыгар быстах хомуурга ыҥырыллан тиийбитэ. Муус устар ыйга кини доруобуйатын туругунан босхолонон, дойдутугар, Кэбээйи улууһун Сангаар бөһүөлэгэр төннөн кэлбитэ.

Дойдутугар кэлэн баран, тута Дьарыктаах буолуу киинигэр тиийэн, үлэтэ суохтар ахсааннарыгар киирбитэ. Дьарыктаах буолуу киинэ кинини «Фаворит» үөрэтэр кииҥҥэ ыыппыта. Евгений манна үөрэнэн, «погрузчик суоппара» идэни ылбыта. Производственнай практикатын «ОДьКХ» ГУП Кэбээйи улууһунааҕы филиалыгар ааспыта. Билигин онно ситиһиилээхтик үлэлии сылдьар.

Байыаннай дьайыыттан дойдуларыгар кэлбит дьоҥҥо үлэ булан биэрии — бэрэсидьиэн Владимир Путин туруорбут улахан суолталаах судаарыстыбаннай соруга буолар. «Биһиги уолаттарбыт, биһиги дьоруойдарбыт дьиэлэригэр кэлэн, наадалаах курдук сананан, үлэлээн-хамсаан, дьиэ кэргэттэрин иитэллэрин, хааччыйалларын туһугар туох кыаллары барытын оҥоруохха наада» диэн кини  этэн турар.

Ил Дархан, бырабыыталыстыба дьаһалтатын пресс-сулууспата.