Байыаннай дьайыы бэтэрээнэ иитээччинэн үлэлиир

Байыаннай дьайыы бэтэрээнэ Афанасий Сергеев Мэҥэ Хаҥалас улууһун И.Г.Игнатьев аатынан Хара спортивнай оскуолатыгар интэринээккэ старшай иитээччинэн үлэлиир.

Афанасий Николаевич аармыйаҕа сулууспалыы сылдьан хантараак баттаан, байыаннай дьайыыга кыттыбыта. Кини муора пехотатын 40-с туспа биригээдэтигэр сулууспалаабыта. Байыаннай дьайыыга икки сыл сылдьыбыта. Бойобуой сорудахтары толорууга эр санаатын уонна хорсунун иһин Георгиевскай кириэһинэн наҕараадаламмыта.

Эйэлээх олоххо төннөн, Афанасий үөрэхтээһин эйгэтигэр үлэлии сылдьар. Интэринээккэ старшай иитээччинэн үлэлиирин быыһыгар оҕолорго «Эр саналаах буолуу уруоктарын» ыытар, патриоттуу тэрээһиннэргэ кыттар.

Бу туһунан СӨ Ил Дарханын уонна Бырабыыталыстыбатын дьаһалтатын пресс-сулууспата иһитиннэрэр.