Байыаннай дьайыы бэтэрээнэ «Кыайыы поэзията» ааҕааччылар куонкурустарын дьүүллүүр сүбэтигэр үлэлээтэ

Ленскэй оройуонун Пеледуй бөһүөлэгэр Аҕа дойду улуу сэриитигэр Кыайыы 80 сылыгар аналлаах «Кыайыы поэзията» ааҕааччылар ортолоругар куонкурус буолла.

Олохтоох култуура киинин тэрийбит тэрээһинэ араас саастаах Сэбиэскэй норуот хорсун быһыыларын уонна сэрии туһунан айымньыларын ааҕааччыларын түмтэ.

Дьүүллүүр сүбэҕэ анал байыаннай дьайыы бэтэрээнэ Андрей Чагочкин кытынна. Ону тэҥэ ааҕааччылары бибилиэтиэкэ, Ленскэйгэ технологическай тиэхиньикум, Пеледуй оскуолатын, «Светличка» оҕо уһууйаанын бэрэстэбиитэллэрэ уонна Ленскэй оройуонугар «Аҕа дойдуну көмүскээччилэр» пуонда филиалын социальнай координатора сыаналаатылар.

«Хас биирдии ааҕааччылар патриотизм тыынын, өбүгэлэрбит хорсун быһыыларын дириҥ иэйиилээхтик арыйдылар. Куонкурус сыалынан хас биирдии кыттааччы артыыс буолууларын, айымньы уобараһын арыйыытын сыаналаатыбыт», — диэн социальнай координатор көмөлөһөөччүтэ Олеся Решетникова эттэ.

Куонкурус түмүгүнэн наҕараадалааһын буолла, кыттааччылар бөһүөлэк историческай аатын чөлүгэр түһэриигэ уонна үгэстэрин сайыннарыыга кылааттарын иһин махтаннылар.

СӨ Ил Дарханын, Бырабыыталыстыбатын пресс-сулууспата