Хаартыска: sakha.gov.ru
«Аҕа Дойдуну көмүскээччилэр» судаарыстыбаннай пуонда Дьокуускайдааҕы филиалын үлэһиттэрэ байыаннай дьайыы бэтэрээнэ Давид Малеевка Мэҥэ Хаҥалас улууһун Аллараа Бэстээх бөһүөлэгэр кыбартыыра ыларыгар көмөлөстүлэр. Бу туһунан СӨ Ил Дарханын уонна Бырабыыталыстыбатын дьаһалтатын пресс-сулууспата иһитиннэрэр.
Давид Малеев — тулаайах, 18 сааһыгар кыбартыыра ылыахтааҕа, кини төрөөбүт-үөскээбит Аллараа Бэстээҕэр сөп түбэһэр дьиэ суох буолан табыллыбакка сылдьыбыт. Онон «Аҕа дойдуну көмүскээччилэр» пуонда үлэһиттэрэ докумуоннары хомуйарыгар уонна чэпчэтиилэри туһанарыгар көмөлөспүттэр.
«Байыаннай дьайыыттан кэлэн баран, пуонданы кытта сибээстэспэккэ сылдьыбытым. Кыбартыыраҕа сатаан киирбэккэ сылдьыбыппыт — мин бөһүөлэккэ суох буоламмын, күлүүһүн эбэбэр сатаан биэрбэттэр этэ. Оттон пуондаҕа кэлээппин кытта, барыта түргэнник быһаарылынна. Дьиэбин тута ыллым, өссө төлөбүрдэргэ тигистим. Бу туһунан билбэт даҕаны этим», — диэн Давид кэпсиир. Итиэннэ пуонда бэтэрээҥҥэ Саха сиригэр сир учаастагын ыларыгар көмөлөһө сылдьар.
Давид Малеев — 20 саастаах. Кини 2022 сыл кулун тутарыгар фроҥҥа барбыт, Т-72 тааҥкаҕа суоппар-мэхээньиктээбит. Байыаннай дьайыыттан кэлэн, кэргэн ылбыт, билигин алта ыйдаах оҕолоох.
Ил Дархан Айсен Николаев эрэгийиэҥҥэ доруобуйа харыстабылын тэрилтэлэрин тэрилинэн хааччыйыыны сүрүн соругунан турар диэн 2026…
Дьокуускай куорат «Юный горожанин» киинигэр XX үбүлүөйдээх өрөспүүбүлүкэтээҕи куонкурус муниципальнай түһүмэҕэ ыытылынна. Бу туһунан Дьокуускай…
Билигин туһана сылдьар халандаарбыт григорианскай диэн ааттанар. 1582 сыллаахха папа Григорий XIII киллэрбит. Ол эрээри,…
СӨ Экологияҕа, айылҕаны туһаныыга уонна ойуур хаһаайыстыбатыгар министиэристибэтэ Булуҥ улууһун Тиксии бөһүөлэгэр ньиэп бородууктата тохтубут…
2026 сылга Аҕа дойдуну көмүскээччилэр күннэрэ бэнидиэнньиккэ түбэһэр. Ол аата, Арассыыйа олохтоохторун үс өрөбүл күн…
Олунньуттан Социальнай пуонда бэтэрээннэргэ, инбэлииттэргэ, о.д.а. чэпчэтиилээх категориялаах дьоҥҥо биэнсийэлэрин үрдэтиэҕэ. Барыта 40-тан тахса босуобуйалар,…