sakha.gov.ru
Байыаннай дьайыы бэтэрээнэ Николай Сизых илиинэн салаллар массыынаны ыытар быраабы ылла. Ону тэҥэ кини S7 авиахампаанньаҕа үөрэххэ киирбит үөрүүтүн кытта үллэһиннэ. Кини өссө кибер көмүскээччи идэтин баһылыаҕа.
Холдинг бырагырааматыгар олоҕуран бэтэрээннэри иһитиннэрэр технологияларга уонна куттал суох буолуутун төрүттэригэр үөрэтэллэр. Бырагырааманы S7 Group исписэлиистэрэ оҥорбуттар, сотрудниктар үөрэтиигэ кытталлар. Үөрэнэн бүтэрдэхтэринэ квалификацияларын үрдэппиттэрин туһунан судаарыстыбаннай көрүҥнээх дастабырыанньаны ылаллар, үлэҕэ киирэллэригэр көмөлөһөлөр. Үөрэҕи таһынан психолог уонна реабилитолог көмөтүн ылыахтарын сөп.
Николай Сизых “Гагарка” тыа балаһатын штурмалаан ылыыга уонна Старомайорскай аннынан төгүрүктээһинтэн тахсыыга иккитэ эмсэҕэлээбитэ. Онон госпиталларга сэттэ ый чөлүгэр түспүтэ. Икки атаҕын тобугун аллараа өттүнэн быспыттара, онон хаамарга саҥаттан үөрэммитэ.
Бэтэрээн эргиллэн кэлэн баран, “Защитники Отечества” филиал пуондатыгар өйөбүл көрдөспүтэ, киниэхэ социальнай сүрүннээччинэн Евгения Каменяр анаммыта. Филиал көмөтүнэн олорор дьиэтигэр сылдьар усулуобуйа тэриллибитэ, сонотуоруйга эмтэнэн, чөлүгэр түспүтэ. Новосибирскай уобалас Бердск куоратыгар “Ортос” идэтийбит кииҥҥэ кууруһу ааспыта. Успуордунан дарыктанарга адаптивнай таҥаһы ылбыта.
“Билигин Николай Успуорт адаптивнай көрүҥүн өрөспүүбүлүкэтээҕи киинигэр олорон эрэ волейболунан дьарыктанар, харбааһыҥҥа сылдьар. Кини олоҕо көхтөөх буоларын курдук, саҥа кыахтары арыйарыгар көмөлөһүөхпүт”, — диэтэ Евгения Каменяр.
Николай Сизых “Хорсунун иһин” II истиэпэннээх мэтээлинэн наҕараадаламмыта. Ол эрээри кини кылаабынай наҕараадата – үлэҕэ төннүү, оҕолорун иитии.
Санатан эттэххэ, Ил Түмэҥҥэ Анал этиитигэр Ил Дархан Айсен Николаев байыастары эйэлээх олоххо төнүннэриигэ болҕомтолоохтук сыһыаннаһарга эппитэ.
«Дьокуускайдааҕы килиэп кэмбинээтэ» АУо 2026 сыл олунньу 5 күнүттэн саҕалаан бородууксуйатын кууһунан атыыга сыанатын үрдэтэрин…
Бүгүн Уус Алдан улууһун Танда сэлиэнньэтин уһуйааныгар баһаар буолбутун туһунан Саха сирэ.ру саайт иһитиннэрэн турар.…
Сахабыт сиригэр тохсунньу томороон тымныыта сатыылаан турдаҕына, Куорунай улууһун ытык кырдьаҕас олохтооҕо, тыыл, үлэ бэтэрээнэ…
Ааспыт сууккаҕа Мииринэй улууһугар киһи эчэйиилээх баһаар таҕыста. Бу туһунан ЫБММ Саха сиринээҕи салаатын пресс-сулууспата…
Ааспыт сууккаҕа Саха сиригэр буруйу оҥоруу аҕыс түбэлтэтэ тахсыбыт. Манан процессуальнай бэрэбиэркэни ыытыыны уонна холуобунай…
Саха сиригэр РФ Сэбилэниилээх Күүстэригэр хантараагынан байыаннай сулууспаҕа гражданнары сүүмэрдээһин үлэтэ салҕанар. Ахсынньы 16 күнүнээҕи…