sakha.gov.ru
Василий Киренскэй баһаарынай чаас суоппарыттан саҕалаан фронтовик буолбута. Оттон билигин эйэлээх идэҕэ төттөрү киирдэ. Байыаннай дьайыы бэтэрээнэ куорат биир оскуолатыгар харабыллыыр. «Үлэм холку, кэлэктиибим үчүгэй. Оҕолор үөрэ-көтө уруокка сүүрэллэрин көрөн, туох туһугар сылдьыбыппын өйдүүбүн»,— диир Василий.
2022 сыл күһүнүгэр Василий Амма оройуонун баһаарынай чааһыгар үлэлии сылдьан бэбиэскэ туппута.
«Сарсыарда байыҥкамаакка барбытым. Ийэ дойду ыҥырда — барыахтааххын. Инники кэккэҕэ ытааччынан сылдьыбыта, бойобуой дьайыы кэмигэр эчэйэн, дойдутугар эргиллибитэ.
Василий дьиэтигэр кэлээт «Аҕа дойдуну көмүскээччилэр пуондалара» госпуонда филиалыгар тиийбитэ. Амма оройуонугар социальнай сүрүннээччитэ Саргылана Константинова социальнай өттүнэн чөлүгэр түһүүтүгэр көмөлөспүтэ. Онон үлэ дьаарбаҥкатыгар кыттан, Дьарыктаах буолуу киинин нөҥүө Эркин» кииҥҥэ кууруһу ааспыта.
Былырыын Василий Дьокуускайга көспүтэ уонна оскуолаҕа харабылынан киирбитэ. Социальнай сүрүннээччинэн Анна Андреева анаммыта. Кини бэтэрээҥҥэ юридическай уонна мэдиссиинэ көмөтүгэр көмөлөспүтэ.
«Аҕа дойдуну көмүскээччилэр пуондата» Арассыыйа Бэрэсидьиэнин Владимир Путин сорудаҕынан тэриллибитэ.
Саха Өрөспүүбүлүкэтин Ил Дарханын
уонна Саха Өрөспүүбүлүкэтин Бырабыыталыстыбатын пресс-сулууспата
Халтарааҥҥа уулуссаҕа сатыы да, массыыналаах да киһиэхэ улахан мэһэйдэр үөскүүллэр. «Хайдах эрэ гынан охтубатах киһи»…
2025 сылтан Арассыыйаҕа элбэх кыбартыыралаах дьиэлэргэ сылытар радиатордары уларытыыны бэрээдэктиир саҥа нуорма олоххо киирдэ. РФ…
2026 сылга Олоҥхо ыһыаҕа Кэбээйи улууһун Кэбээйи сэлиэнньэтигэр Уһун Хонуу ытык сиргэ ыытыллыаҕа. Бу суолталаах…
Сергей Местников "Противоэпизоотическай хамыыһыйа" мунньаҕын салайан ыытта. Манна бэтэринээрийэ өттүттэн куттала суох буолуу боппуруостарын көрдүлэр.…
Госдуумаҕа Билим уонна үрдүк үөрэхтээһин кэмитиэтэ сокуон барылынан көннөрүү ылынна. Ол курдук, чааһынай тэрилтэлэргэ эбии…
Бырабыыталыстыба бэрэссэдээтэлин солбуйааччы Анатолий Семенов «Моя профессия – ИТ» Бүтүн Арассыыйатааҕы куонкурус эрэгийиэннээҕи түһүмэҕэр кыайбыт…