Байыаннай дьайыы бэтэрээнэ Саха сиригэр тхэквондо турнирын тэрийэр

Муус устар 4-5 күннэригэр Покровскайга байыаннай дьайыы бэтэрээннэригэр тхэквондоҕа II өрөспүүбүлүкэтээҕи турнир ыытыллыаҕа.

Күрэхтэһии тэрийээччитинэн байыаннай дьайыы бэтэрээнэ Иван Самсонов буолар. Бу туһунан СӨ Ил Дарханын уонна Бырабыыталыстыбатын пресс-сулууспата иһитиннэрэр.

Иван Самсонов урут Покровскайга «Хотой» олимпийскай резервэ өрөспүүбүлүкэтэҕи успуорт оскуолатыгар тхэквондо тириэньэринэн үлэлээбитэ. Байыас Екатерина Перевалова социальнай координатор көмөтүнэн саҥа идэҕэ үөрэҕи ааспыта уонна билигин оскуола оҕолоругар Куттал суох буолууга уонна Ийэ дойдуну көмүскүүргэ үөрэтэр.

«Бу турнир миэхэ көннөрү успуорт тэрээһинэ буолбатах, биһиги дойдубут туһугар охсуһар дьоҥҥо ытыктабыл бэлиэтэ. Мин көҕүлээһиммин өйөөбүттэригэр «Аҕа дойдуну көмүскээччилэр» пуонда филиалыгар уонна социальнай координатор Екатерина Переваловаҕа махтанабын. Турнир успуорка күрэхтэһиинэн муҥурдаммакка, бэтэрээннэр, кинилэр дьиэ кэргэттэрэ, ыччаттар биир сомоҕо, өйөбүл буолуохтарыгар баҕарабын», – диэн Иван Самсонов кэпсээтэ.

Санатан эттэххэ, «Аҕа дойдуну көмүскээччилэр» пуонда Арассыыйа Бэрэсидьиэнэ Владимир Путин сорудаҕынан тэриллибитэ.