Байыаннай дьайыы бэтэрээнэ сайыҥҥы кэмҥэ суоппардыыр

Байыаннай дьайыы бэтэрээнэ Аркадий Пудов «Аҕа дойдуну көмүскээччилэр» пуонда филиалын көмөтүнэн уоппускатын кэмигэр, сервис тиэхиньикумугар суоппарынан үлэлии киирдэ.

Кини идэтинэн история уонна обществознание учуутала. Билигин Дьокуускай биир оскуолатыгар оҕолору үөрэтэр.

Сүрүн үлэтин таһынан, кини «Эр санааланыы уруоктарын» оскуола үөрэнээччилэригэр, пуонда филиалын тэрээһиннэригэр тиһиктээхтик ыытар. 2024 сыл ыам ыйыгар «Мин биисинэһим» киин өйөбүлүнэн тэриллибит «СВОе дело 14» үөрэх бырагырааматыгар кыттыбыта.

2023 сыллаахха Аркадий Аркадьевич хантараагынан «Барс-2» добровольческай этэрээккэ киирэн, бойобуой дьайыылар буола турар сирдэригэр барбыта. Харьков уобалаһын сиригэр-уотугар бойобуой дьайыыларга кыттыбыта. Төннөн кэлэн баран, «Аҕа дойдуну көмүскээччилэр» пуонда филиалыгар көмө көрдөөн тиийбитэ. Социальнай координаторынан Анна Андреева буолбута уонна социальнай өйөбүл миэрэлэринэн туһанарыгар, оҕолору уонна ыччаты патриотическай иитиигэ үлэлэһэригэр көмөлөспүтэ.

—Аркадий Аркадьевич – барыга көхтөөхтүк кыттар бэтэрээн. Педагог быһыытынан патриотическай тэрээһиннэргэ, пуонда филиалын уопсастыбаннай бырайыактарыгар үөрүүнэн кыттар, — диэн социальнай координатор бэлиэтиир.

Сиһилии https://www.sakha.gov.ru/news/6401 манна ааҕыҥ.

СӨ Ил Дарханын уонна Бырабыыталыстыбатын пресс-сулууспата