Байыаннай дьайыы бэтэрээнэ табаһытынан үлэлиир

Владимир Стручков байыаннай дьайыыга ыҥырыллан барбыта. Элбэх оҕолоох аҕаны аҕыс ый сулууспалаабытын кэннэ дьиэтигэр төттөрү ыыппыттара. Владимир төрөөбүт дойдутугар эргиллэн, күүс-уох ылан, биир дойдулаахтарын өйөбүллэрин ылан баран, таба иитэр ыстаадаҕа үлэлии барбыта. Ыстаада киниэхэ түргэнник чөлүгэр түһэргэ көмөлөспүтэ. Кини оройуонун олоҕор көхтөөхтүк кыттар уонна норуотун үтүө үгэстэрин тутуһар.

Саха сирин табаһыттарын төрдүс сийиэһин чэрчитинэн Эбээн Бытантай оройуонун бэтэрээнэ табанан сүүрдүүгэ кыттыбыта.

Миэхэ бу көннөрү күрэхтэһии буолбатах, ийэ айылҕаны, бэйэ култууратын уонна биир дойдулаахтары кытта алтыһар кыах”, — диэтэ Владимир.

Симона Томская, “Защитники Отечества” госпуонда Саха сиринээҕи филиалын салайааччытын солбуйааччы:

“Эргиллэн кэлбит биһиги бэтэрээннэрбит күүс-уох ылынан, санааларын өрө көтөҕөн маннык суолталаах тэрээһиҥҥэ кытталларын көрөр олус үчүгэй. Владимир Стручков – бэйэтин төрүттэригэр бэриниилээх буолууга чаҕылхай холобур. Биһиги оройуоннарын уонна өрөспүүбүлүкэлэрин олоҕор көхтөөхтүк кыттар бэтэрээннэрбитинэн киэн туттабыт.”

Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата