сахагов
Байыаннай дьайыы бэтэрээнэ уонна “Саха сирэ – дьоруойдар дойдулара” каадыр бырагырааматын кыттыылааҕа Леонид Александров Уус Алдан улууһун бочуоттаах олохтооҕо буолла.
Бу бочуотаах статуһу кини Ийэ дойдутун уонна оройуонун сайдыытыгар кылаатын иһин иҥэрдилэр.
Александров ЛНР “Хорсунун иһин” мэтээлинэн наҕараадаламмыт уонна баан эйгэтигэр уопуттаах салайааччы быһыытынан биллэр. Кини 1989 с. Уус Алдан райпотребсойууһугар үлэтин саҕалаабыта. Онтон Сбербааҥҥа, “Алмазэргиэнбааҥҥа” үлэлээбитэ. Бу дьыл ыам ыйын 27 күнүгэр Саха Өрөспүүбүлүкэтин Ил Дарханын Айсен Николаев ыйааҕынан үп миниистирин солбуйааччынан анаммыта.
“Төрөөбүт улууһум бочуоттаах гражданина буолар олус долгутуулаах. Биир дойдулаахтарбар өйөбүлгүт иһин махтанабын. Бочуоттаах гражданин буолуу – көннөрү наҕараада буолбатах, бу көхтөөхтүк уонна таһаарыылаахтык үлэлииргэ көҕүлүүр”, — диэтэ бэтэрээн социальнай ситимнэринэн.
Саха сиригэр байыаннай дьайыы кыттыылаахтарын хорсун быһыыларын үйэтитиигэ үлэ салҕанар. Хайысхалартан биирдэстэринэн кинематографка байыастар уобарастарын көрдөрүү буолар. Ол курдук, Запорожскай уобаластыын бииргэ уһуллубут “Алдан” хартыынаҕа байыаннай дьайыы бэтэрээннэриттэн биирдэстэрин уобараһа сүрүн дьоруой буолбута.
Бу киинэ Саха сирин уонна Запорожскай уобалас эрэгийиэннэр икки ардыларынааҕы бастакы киинэ бырайыагынан буолар. Киинэни 2023 с. Саха сиригэр, Москваҕа уонна Запорожьеҕа уһулбуттара. Бырайыакка спецподразделениелар байыастара, штурмовиктар, быраастар уонна психологтар уо.д.а. кытыбыттара. Лиэнтэ биир түгэнэ “Алеша” аатырбыт тааҥкаҕа тириэрдэр. Сюжет быһыытынан сүрүн дьоруой – мэдиссиинэ үөрэхтээх ИТ-исписэлиис фроҥҥа барар.
Маны сэргэ Донецкай Норуодунай Өрөспүүбүлүкэни кытта бииргэ киинэ устааччылар “Тута” позывнойдаах Арассыыйа Дьоруойа Андрей Григорьев туһунан иккис киинэни бэлэмнииллэр.
Андрей Григорьев Украина байыаһын кытта илиинэн киирсэн кыайан, аатырбыта. Хорсун быһыытын иһин киниэхэ Арассыыйа Федерациятын Дьоруойун аатын иҥэрбиттэрэ. Үрдүк наҕарааданы Кремльгэ Арассыыйа Бэрэсидьиэнэ Владимир Путин туттарбыта.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Сиһилии: https://www.sakha.gov.ru/news/13397
СӨ Үлэҕэ уонна социальнай сайдыыга министиэристибэтэ оҕолоох ыалларга төлөбүр иэһин сабыыга киирбит үбүнэн, 2025 сыл…
Аан дойдуга аатырбыт бешамель тума оҥоһуллуута биһиги саламааппытыгар маарынныыр. Бу тума аһы олус тупсарар. Үгүс…
Түөкүттэр саҥаттан саҥа албастары толкуйдаан, дьонтон харчы ыга үктээн ылыылара күннэтэ тахса турар. Билигин аны…
СӨ Судаарыстыбаннай Мунньаҕа (Ил Түмэн) өрөспүүбүлүкэ Төрүт Сокуонун балаһыанньаларын Россия сокуоннарыгар сөп түбэһиннэрэргэ туһуламмыт уларытыылары…
Социальнай ситимнэргэ уонна мессенджердэргэ Арассыыйа Федерациятын сиригэр-уотугар аҕыйах күҥҥэ интэриниэт ситимэ арахсарын туһунан РФ Цифровой…
Ааспыт ыйга Дьокуускайга сатыы хааман иһэр киһини түҥнэри көтөннөр, эмсэҕэлээбит дьахтар балыыһаҕа киирэн тыына быстыбыта.…