Хаартыска: sakha.gov.ru
Байыаннай дьайыы бэтэрээнэ, «Эр санаа» уордьан кавалера уонна биэс оҕо аҕата Николай Евсюков Үөһээ Бүлүүгэ бэйэтин автосервиһын арыйда. Бу туһунан sakha.gov.ru иһитиннэрэр.
Николай 2023 сыл муус устар ыйыттан снайперынан сулууспалаабыт. Ол сыл от ыйыгар кини бааһыран демобилизацияламмыт. Уһун кэмнээх доруобуйатын чөлүгэр түһэрии кэнниттэн, бэтэрээн дьиэ кэргэнин хааччыйар уонна улууһугар туһалаах буолар кытаанах санаалаах дойдутугар төннүбүт. Төннөөт даҕаны Николай «Аҕа дойдуну көмүскээччилэр» пуонда филиалыгар тиийбит. Социальнай координатордар киниэхэ байыаннай дьайыылар бэтэрээнин дастабырыанньатын ыларыгар, төлөбүрдэри уонна социальнай чэпчэтиилэри оҥоттороругар көмөлөспүттэрэ.
Ааспыт сыл сааһыгар улуус дьаһалтатын өйөбүлүнэн биисинэс сайдыытыгар социальнай хантараак түһэрсибит. «Социальнай хантараак бырагырааматын көмөтүнэн мин бэйэ дьыалам сайдарыгар эбии үптэнним. Анал тэрили атыыластым уонна мастарыскыайбын кэҥэтэр кыахтанным. Автосервиспын арыйарбар өйөөбүт биир дойдулаахтарбар уонна доҕотторбор олус махтанабын», — диэн Николай Евсюков бэлиэтээтэ.
Кыра үлэлиир шиномонтажтыыр мастарыскыайтан саҕалаан, кини үлэтин-хамнаһын сыыйа кэҥэтэн, чааһынай урбаанньыт быһыытынан регистрацияланан, толору автосервиска кубулуппут. Бүгүн кини сервиһэ массыына өрөмүөнүгэр уонна көрүүтүгэр-харайыытыгар киэҥ өҥөнү оҥорор уонна улуус олохтоохторугар номнуо биллэр-көстөр буолла.
«Николай Үөһээ Бүлүү олоҕор көхтөөхтүк кыттар, Байыаннай дьайыылар бэтэрээннэрин Ассоциациятыгар чилиэнинэн сылдьар. Кини көмөҕө кэлэргэ мэлдьи бэлэм, аһыныгас, кыһамньылаах. Николай – ыар тургутуулар кэннилэриттэн эйэлээх олоххо бэйэтин булбут киһи, тулуур уонна дьулуур холобурунан буолар», — диэн «Аҕа дойдуну көмүскээччилэр» пуонда социальнай координатора Игнат Трофимов эттэ.
«Аҕа дойдуну көмүскээччилэр» пуонда Арассыыйа Бэрэсидьиэнэ Владимир Путин сорудаҕынан байыаннай дьайыы бэтэрээннэрин уонна дьоруойдар дьиэ кэргэттэрин тус бэйэни арыаллыырга тэриллибитэ. Тэрилтэ мэдиссиинэ уонна социальнай реабилитацияҕа, саҥаттан үөрэтиигэ уонна үлэнэн хааччыйыыга көмөлөһөр, юридическай өйөбүлү, олорор дьиэни табыгастаах оҥорууну уонна уһун кэмнээх көрүүнү-харайыыны хааччыйар.
Саха сирин сүүмэрдэммит хамаандатын биир бастыҥа күрэсчитэ Евгения Огородникова тустууга Арассыыйа первенствотын күрэхтэһиитигэр боруонса мэтээли…
Бүгүн, атырдьах ыйын 8 күнүттэн, “Саха сирэ – дьоруойдар сирдэрэ” өрөспүүбүлүкэтээҕи байыаннай дьайыы кыттыылаахтарыттан каадыры…
«Анаабыр» эрэгийиэннэҕи массыына суолугар «Бүлүү» федеральнай айан суолуттан Мииринэй куоратыгар диэри 11 килэмиэтиртэн тахса уһуннаах…
Бу сыл алтынньы 1 күнүттэн хамнастара федеральнай бүддьүөттэн үбүлэнэр үлэһиттэргэ хамнас төлөбүрэ индексацияланар - хамнас…
Бэрдьигэстээххэ «Үрдэл» түөлбэ олохтоохторо Кыайыы 80 сылын көрсө түөлбэлэр икки ардыларынааҕы күрэх чэрчитинэн искибиэри киэргэттилэр.…
Плейстоценовай паарка уонна Биологическай ресурсалар уонна ураты харыстанар сирдэр дириэксийэлэрин испиэлиистэрин эспэдииссийэтэ Анаабыр улууһун Улахан…