Хаартыска: sakha.gov.ru ылылынна
Байыаннай дьайыы бэтэрээнэ «Аҕа дойдуну көмүскээччи» пуонда филиалын көмөтүнэн «Юнармия» байыаннай-патриотическай хамсааһын ыстаабын Амматааҕы салаатын начаалынньыгынан буолла.
Мичил Алексеевич «Барс» добровольческай этэрээккэ стрелок-оператор быһыытынан кыттыыны ылбыта. Бэйэни харыстаммат, хорсун-хоодуот быһыытын иһин «За Отвагу» мэтээлинэн наҕараадаламмыта. Демобилизацияланан баран кини ыал буолбута, өрөспүүбүлүкэ киин улуустарыттан биирдэстэригэр көһөн кэлбитэ. 2024 сыл ахсынньытыгар үлэ-хамнас туһунан социальнай координатортан Саргылана Константиноваттан ыйыталаспыта.
Саргылана Семеновна бэтэрээн ыйытыытын истээт, улууска үөрэх управлениетыгар резюметын биэрэригэр сүбэлээбитэ. Байыаннай дьайыыга кыттыар диэри Мичил Алексеевич Орто Халыма уонна Хаҥалас улуустарыгар үөрэх эйгэтигэр үлэлээбит. Үрдүк педагогическай үөрэхтээх, физкултуура учуутала идэлээх. Тохсунньу ортотугар байыаннай дьайыы бэтэрээнэ «Юнармия» байыаннай-патриотическай иитии ыстаабын начаалынньыга буолбутун туһунан иһитиннэрбитэ.
«Аҕа дойдуну көмүскээччилэр» пуонда филиалыгар өйөбүллэрин иһин махтанабын. Мантан инньэ салгыы байыаннай дьайыы бэтэрээннэрин кытары бииргэ үлэни ыытары былаанныыбын«, — диэн Мичил Алексеевич санаатын үллэстэр.
Санатар буоллахха, СӨ Ил Дархана Айсен Николаев Ил Түмэҥҥэ Анал этиитигэр байыаннай дьайыы кыттыылаахтара социальнай адаптацияны баралларыгар өйөбүлү оҥоруу биир сүрүн соругунан буоларын эппитэ.
«Биһиги байыастарбыт дойдуларыгар кыайыы көтөллөөх эргиллиэхтэрэ. Онуоха биһиги иннибитигэр улахан сорук турар. Биһиги хас биирдии байыас реабилитацияланарыгар көмөлөһүөхтээхпит. Үлэнэн хааччыллыы боппуруоһун быһаарыахтаахпыт. СӨ Бырабыыталыстыбатыгар, улуустар баһылыктарыгар бары хайысхаларынан байыастар социальнай адаптацияны баралларыгар үлэни күүһүрдэргитигэр соруйабын«, — диэбитэ Ил Дархан.
СӨ Ил Дарханын сорудаҕынан «Дьоруойдар кэмнэрэ» федеральнай бырагырааманы кытта » Саха сирэ — дьоруойдар сирдэрэ» дитэн каадыр бырагыраамата үлэҕэ киирэр.
СӨ Ил Дарханын уонна Бырабыыталыстыбатын пресс-сулууспата
Бүгүн өрөспүүбүлүкэ Ил Дархана Айсен Николаев Ил Түмэҥҥэ туһаайан этиитин иһиттибит. Түгэнинэн туһанан, “Чурапчы” ТХПК…
Ил Түмэн спикерэ Алексей Еремеев Ил Дархан СӨ Судаарыстыбаннай Мунньаҕар (Ил Түмэҥҥэ) туһаайан этиитигэр бэйэтин санаатын…
Айсен Николаев Ил Түмэҥҥэ Туһаайыытыгар ыам ыйдааҕы Ыйаахха киирсибэтэх бүддьүөт эйгэтин үлэһиттэригэр хамнаска былааннаммыт үрдээһини …
Сергей Местников, СӨ Бырабыыталыстыбатын Бэрэссэдээтэлин солбуйааччыта: -Ил Дархан Туһаайан этиитигэр бырамыысыланнаска, экэниэмикэҕэ, тыа хаһаайыстыбатыгар ылыллыбыт…
Ил Дархан Айсен Николаев СӨ Судаарыстыбаннай Мунньаҕар (Ил Түмэҥҥэ) туһаайан этиитигэр бырамыысыланнас салаатын тэрилтэлэрэ социальнай…
Бүгүн, ахсынньы 23 күнүгэр, Ил Дархан СӨ Судаарыстыбаннай Мунньаҕар (Ил Түмэҥҥэ) туһаайан этиитигэр Саха Өрөспүүбүлүкэтигэр …