Хаартыска: СИА.
«Аҕа дойдуну көмүскээччилэр» пуонда Саха сиринээҕи салаата байыаннай дьайыы бэтэрээннэрэ мэдиссиинискэй реабилитация баралларыгар былааннаах үлэни ыытар. Пуонда үлэһиттэрэ Антон К. диэн бэтэрээҥҥэ көмөлөстүлэр.
Антон мобилизацияҕа түбэһэн, байыаннай дьайыыга барбыта. Биир кыргыһыы кэмигэр ыараханнык бааһыран, эмтэммитэ уонна дойдутугар кэлбитэ. Манна байыастарга көмөлөһөр тэрилтэ баарын билэн баран, пуондаҕа тиийбитэ.
Киниэхэ социальнай координатор быһыытынан Полина Дедюкина анаммыта. Бэтэрээн туох баар социальнай көмө миэрэлэрин ыларыгар, быраастарга көрдөрүнэригэр, инбэлиит биэнсийэтин ыларыгар көмө оҥоһулунна. Билигин страховой төлөбүрдэри ыларыгар үлэ барар.
— Антон олус көхтөөх, эйэҕэс, үтүө санаалаах, реабилитация кэнниттэн үлэ булуон, ыал буолуон баҕарар. Сотору кэминэн Антону Омскайга баар реабилитация киинигэр ыытар былааннаахпыт, — диэн Полина Яковлевна кэпсээтэ.
Тохсунньуга Антон ребаилитацияны ааһыан баҕарарын туһунан эппитигэр, социальнай координатор Өрөспүүбүлүкэтээҕи инбэлииттэр кэлим реабилитацияларын социальнай-чэбдигирдэр киинигэр барарга сүбэлээбитэ. Кылгас кэмҥэ ыспыраапка оҥоһуллан, билигин Антон былааннаммыт реабилитацияны ааһа сылдьар.
— Пуонда салаатыгар мин элбэхтик сылдьабын, ханнык баҕарар боппуруостаах тиийиэхпин сөп. Билигин мин реабилитацияны ааһан, доруобуйабын бөҕөргөтөбүн. Ис сүрэхпиттэн көмө, өйөбүл иһин махтанабын ,- диэн байыаннай дьайыы бэтэрээнэ Антон махтанна.
Ил Дархан, бырабыыталыстыба пресс-сулууспата
«Якутия, вперед!» биэриигэ Айсен Николаев тохсунньу ый түмүктэрин таһаарда уонна Бырабыыталыстыба отчуоттарын сирэй көрсөн тоҕо…
“Якутия, вперед!” биэриигэ тохсунньу түмүктэрин таһаарар быһа эпииргэ Ил Дархан “Сулустаах” түөлбэҕэ сыл саҕаланаатын кытта…
“СӨ судаарыстыбаннай ыччат бэлиитикэтин туһунан” сокуон 1998 сыллаахха ылыныллыбыта. Ол гынан баран, бу сокуоҥҥа “патриотическай…
Ил Дархан Айсен Николаев үөрэх үлэһиттэрин тохсунньутааҕы сүбэ мунньаҕар этиллибит сүҥкэн суолталаах боппуруоһунан тус үөрэхтээһини…
Мииринэй улууһугар полицейскайдар биэнсийэлээх дьахтартан баан каартатыттан харчы уоруутун дьыалатын арыйдылар. Харчыны уорбут уорбаланааччынан дьахтар…
Олунньу 1 күнүттэн үлэтэ суохтарга босуобуйа кээмэйэ 9,5%-нан эбиллэн, муҥутуур кээмэйэ 15 тыһ. солк. тахса…