Хаартыска: СИА
Анал байыаннай дьайыы бэтэрээннэрин Саха сирин сүүмэрдэммит хамаандата Хабаровскай куоракка «Аҕа дойду көмүскээччилэрин Кубога» норуоттар икки ардыларынааҕы физкултуурунай тэрээһиҥҥэ айаннаата.
Уһук Илин федеральнай уокурук бэтэрээннэрэ волейболга, буулдьанан ытыыга, оҕунан ытыыга, остуол тенниһигэр, пауэрлифтиҥҥэ уонна армрестлиҥҥэ күрэхтэһиэхтэрэ.
«Аҕа дойду көмүскээччилэрин Кубога» бэс ыйын 18-21 күннэригэр ыытыллыаҕа. Тэрээһин чэрчитинэн паралимпийскай чөмпүйүөннэрэ паралимпийскай уруоктары уонна успуорт араас көрүҥэр маастар-кылаастары ыытыахтара.
Бэс ыйын 20 күнүгэр тэрээһин чэрчитинэн бэтэрээннэргэ физкултууранан уонна успуордунан дьарыктанарга, итиэннэ анал байыаннай дьайыы Дьоруойдарын реабилитациялааһыҥҥа уопут атастаһыахтара уонна успуордунан дьарыктанарга уһуйарга сүбэлиэхтэрэ. Сүбэ мунньахха «Аҕа дойдуну көмүскээччилэр» пуонда филиалын салайааччылара, физкултуура уонна успуорт салаатыгар ситэриилээх былаас уорганнара, ПКР уонна Уһук Илин эрэгийиэннээҕи бэрэстэбиитэллэрэ кыттыыны ылыахтара. Турнир тэрийээччилэрэ — «Аҕа дойду көмүскээччилэрэ» пуонда, Арассыыйатааҕы Паралимпийскай кэмитиэтэ, Хабаровскай кыраай уонна Бүтүн Арассыыйатааҕы успуорт федерацията.
Бу күннэргэ Үөһээ Бүлүү улууһун дэлэгээссийэтэ байыаннай дьайыы сиригэр, Донецкай, Луганскай, Запорожье, Белгород, Курскай хайысхаларынан…
Киин куоракка кирдээх уу ааһар турбата өрүү бүөлэнэр. Ордук бырааһынньык саҕана, будулҕан тумаҥҥа ханна эрэ…
Бүгүн өрөбүл күн – Күн салайар күнэ. Чаҕылхай, сырдык уонна күүстээх күн. Күн олоххо тапталы,…
Бүгүн, ахсынньы 14 күнүгэр, Саха сирин сорох улуустарыгар -12 кыраадыс буолара күүтүллэр диэн УГМС иһитиннэрэр.…
Бүгүн, ахсынньы 13 күнэ, САССР норуодунай артыыһа, сахалартан бастакынан улуу сирдьит Ленин оруолун саха национальнай…
Маны туһанан Арассыыйаҕа түөкүттэр сиэри таһынан баран эрэллэр. Куйаар ситимэ киириэҕиттэн бэйэтэ да түргэтээбит, ааһа…