Байыаннай дьайыы бэтэрээннэрэ диспансеризацияны аастылар

Диспансеризацияны байыаннай дьайыы бэтэрээннэрэ, уопсайа 1381 киһи барбыт.

Бу туһунан СӨ доруобуйа харыстабылын министиэристибэтин нэһилиэнньэҕэ мэдиссиинэ көмөтүн тэрийэр Департамены салайар Дьулустаан Чичахов иһитиннэрэр.

—Байыаннай дьайыы кыттыылаахтарыгар анаан «Облачнай поликлиникаҕа» мэдиссиинэ кэлим арыаллааһынын сервиһэ үлэлиир. Бу өҥөнөн туһаналларыгар сүбэлиибит, — диэн бэлиэтиир.

Кини иһитиннэрбитинэн, бүгүҥҥү күн туругунан мэдиссиинэ көмөтө 4380 байыаннай дьайыы кыттыылааҕар оҥоһуллубут. 3104 киһи тастан, 1 276 — стационарнай көмөнү ылбыттар. Реабилитацияны 419 киһи ааспыт. Психотерапевтическай уонна психиатрическай көмө 859 киһиэхэ уонна байыастар дьиэ кэргэттэрин 1117 чилиэнигэр оҥоһуллубут.

ДНӨ Докучаевскай куоратыгар Саха сирин миэдиктэрин көмөтө салҕанар. Онно үлэлии сылдьар хирург-быраас кыттыытынан бу сылга 19 эпэрээссийэ оҥоһуллубут, 20 киһи эмтэнэр.

Сиһилии: https://www.sakha.gov.ru/news/19597

СӨ Ил Дарханын уонна Бырабыыталыстыбатын пресс-сулууспата