Байыаннай дьайыы бэтэрээннэрэ эмтэнэ баралларыгар босхо толуонунан туһаныахтарын сөп

Быйылгыттан анал байыаннай дьайыыга кыттыбыттар, демобилизованнайдар,   бэтэрээннэр,  Арассыыйа социальнай пуондатын доруобуйаны чөлүгэр түһэрэр кииннэригэр санаторнай-курортнай эмтэнэр итиэннэ мэдиссиинэ өттүнэн доруобуйаларын тупсарына барар айаннарыгар босхо толуон ылыахтарын сөп.

Ити туһунан тохсунньу 27 күнүгэр буолбут брифиҥҥэ Саха сиринээҕи социальнай хааччыйыы управлениетын начаалынньыгын солбуйааччы Вадим Максимов иһитиннэрдэ. “Социальнай пуонда кииннэригэр диэри поеһы, сөмөлүөтү, оптуобуһу уонна уу тырааныспарын киллэрэн туран, Социальнай пуонда кииннэригэр тиийэр уонна төннөр айаннарын билиэтэ көрүллэр. Өскөтүн байыаннай дьайыы кыттыылааҕа I категориялаах инбэлиит эбэтэр киниэхэ мэдиссиинэ көрүүтүнэн арыаллааччы эрэйиллэр буоллаҕына, аһылыга, олорор сирэ уонна тырааныспарын ороскуота эмиэ доруобуйаны чөлүгэр түһэрэр кииҥҥэ диэри уонна төннөрүгэр арыаллааччыга эмиэ төлөнөр” – диэн Вадим Максимов быһаарда.

Бу туһунан Ил Дархан уонна Бырабыыталыстыба пресс-сулууспата суруйар. Салгыы манна ааҕыҥ.