Хаартыска: sakha.gov.ru
Арктическай судаарыстыбаннай агротехнологическай университекка «Фермер оскуолата» бырайыак үһүс “потога” аһылынна.
Бу тыа хаһаайыстыбатын салаатыгар идэтийбит каадырдары бэлэмниир соруктаах федеральнай бырагыраама буолар, 2020 сылтан Россельхозбаан үлэлэтэр. Быйыл аан бастаан байыаннай дьайыы кыттааччыларыгар туспа квота көрүллэн, 20-тэн тахса сайабылыанньа киирбититтэн, алта киһи талыллан, үөрэхтэрин саҕалаатылар.
Россельхозбаан Саха сиринээҕи филиалын дириэктэрэ Василий Тимофеев бырайыак географиятын кэҥэтии суолталааҕын тоһоҕолоон этэр:
— Тыа хаһаайыстыбатынан дьарыктанар улуустарга үөрэтиини ыытар олус наадалаах, сүрүн кыахпыт манна түмүллэ сыттаҕҕа дии.
Василий Тимофеев «Аҕа дойдуну көмүскээччилэр» пуонданы кытта ситиһиилээхтик бииргэ үлэлииллэрин бэлиэтээтэ уонна байыаннай дьайыы бэтэрээннэрэ агробиисинэскэ бэйэлэрин булуохтара диэн эрэнэрин биллэрдэ. Күнүскү үөрэх буолан, хас биирдии куурус 250 академическай чаастаах. Лиэксийэлэри АГАТУ преподавателлэрэ, Россельхозбаан исписэлиистэрэ, бизнес, маркетинг уонна тыа хаһаайыстыбатын ыҥырыылаах экспертэрэ ааҕаллар. Үөрэх кэмигэр устудьуоннар теоретическай билиини ылыахтара, бастыҥ хаһаайыстыбаларга стажировканы барыахтара. Кууруһу бүтэрэллэригэр биисинэс-бырайыактарын көмүскүөхтэрэ уонна диплом ылыахтара.
Байыаннай дьайыы бэтэрээнэ Николай Петров былааннарын үллэһиннэ: «Мин учууталынан үлэлиибин, ол гынан баран төрөппүттэрим хаһаайыстыбалаахтар, ону сайыннарыахпын баҕарабын. “Фермер оскуолата” наадалаах билиини биэриэ диэн эрэнэбин».
Бырагырааманы бүтэрбиттэр “Агростартап” федеральнай бырагыраамаҕа кыттар уонна грант өйөбүлүгэр сайаапка биэрэр кыахтаныахтара. Үөрэтии 2,5 ый устата ыытыллар, онно теоретическай уонна практическай дьарыктар киирэллэр, диэн иһитиннэрэр Ил Дархан, бырабыыталыстыба пресс-сулууспата.
“Талааннаах киһи барытыгар талааннаах” диэн этии оруннааҕын үгүс түгэҥҥэ көрө-истэ сылдьабыт. Былырыыҥҥы “Үрдэл” ырыа бириэмийэтигэр…
Олунньу 1 күнүгэр Арчы дьиэтигэр өрөбүллээҕи Оһуокайбыт үрдүк таһымнаахтык ааста. Куоракка олорор уус алданнар тоҕуоруһан…
“Успуорт сарыыссатынан” ааттанар чэпчэки атлетика аата эрэ “Чэпчэки атлетика”. Дьиҥинэн, успуорт көрүҥнэриттэн биир уустуктара. Ким…
Билиҥҥи кэмҥэ волонтердар көмөлөрө олус улахан суолталаах. Тыһыынчанан волонтердар түмсэн байыаннай дьайыы кыттыылаахтарын өйүүллэр. Бүгүн…
Бу күннэргэ Дьокуускайга бэйэ дьыалатын социальнай хантараак нөҥүө тэриммит дьоҥҥо олус туһалаах тэрээһин буолан ааста.…
Сунтаарга бу өрөбүл күннэргэ хапсаҕайы таптааччыларга улахан үөрүү. Сыллата ыытыллар Бордоҥтон төрүттээх хапсаҕайга спорт маастара…