Хаартыска: Мииринэй улууһун дьаһалтатын пресс-сулууспата
Мииринэйгэ байыаннай дьайыы бэтэрээннэрэ «Ийэлэр, аҕалар — маладьыастар!» диэн билиини-көрүүнү тургутар дьиэ кэргэн викторинатыгар кыттан кыайдылар. Бу күрэс Арассыыйаҕа Аҕа күнүн, Саха сиригэр Ийэ күнүн чэрчитинэн ыытылынна.
Социальнай координатордар Жанна Агафонова уонна Анна Гайворонская ыҥырыыларынан билиини-көрүүнү тургутар күрэскэ Александр Севостьянов, Николай Ноттосов, Игорь Тажибаев, Аян Стручков уонна Артем Потапов кытыннылар итиэннэ эрэллээхтик инники күөҥҥэ түстүлэр. Күөн күрэскэ барыта 75 киһилээх 15 хамаанда кытынна.
«Көмүскээччилэрбит кыайыылара ордук суолталаах. Бу байыаннай дьайыы бэтэрээннэрэ уопсастыбаннай тэрээһиннэргэ көхтөөхтүк кытталларын, түмсүүлээхтэрин, кыайыыга дьулуурдаахтарын көрдөрөр», — диэн бэлиэтиир социальнай координатор Жанна Агафонова.
Викторина түмүгүнэн байыаннай дьайыы бэтэрээннэрин хамаандата кыайыылааҕынан таҕыста. Иккиһи — «Мирские папы», үсүһү — «Мамы Чоли» хамаандалар ыллылар. Кыайыылаахтарга «Полярный волк» кииҥҥэ сынньанарга сэртипикээттэр, бары кыттыбыттарга өйдүү-саныы сылдьарга бэлэхтэр туттарылыннылар.
СӨ Ил Дарханын уонна Бырабыыталыстыбатын пресс-сулууспата
Хаартыска: Мииринэй улууһун дьаһалтатын пресс-сулууспатыттан
Ахсынньы 7 күнүгэр Оһуокай куоракка олорор Бүлүү улууһун олохтоохторугар ананна. Куоракка олорор Бүлүү улууһуттан төрүттээх…
Дьүөгэм, Үп министерствотыгар таһаарыылаахтык үлэлээбит Анна Романовна Винокурова бочуоттаах сынньалаҥҥа олорор. Бу күннэргэ Дубайга олорор…
Аныгы сайдыылаах үйэбитигэр өрөспүүбүлүкэбит хайа да муннугар аны хаалыылаах, түҥкэтэх сир диэн суох. Бээ, бу…
Уһун, тымныы кыһыннаах, тыйыс айылҕалаах хоту дойдуга олорор буоланнар, өбүгэлэрбит барахсаттар күөх сайын уунар уйгутуттан…
Амма улууһун Соморсун нэһилиэгэр үлэһит тырахтарыыс уолаттар, эр дьон баар буоланнар, дэриэбинэ олоҕо күөстүү оргуйар.…
"Амма" эрэгийиэннээҕи айан суолун 93-94 км учаастагар билигин да күөлтэн уу киирэ турар. "СУ-77" тэрилтэ…