Байыаннай дьайыы бэтэрээннэрэ кэнсиэргэ сырыттылар

«Аҕа дойдуну көмүскээччилэр» пуонда филиалын уонна судаарыстыбаннай филармония ыҥырыыларынан байыаннай дьайыы бэтэрээннэрэ уонна байыастар дьиэ кэргэттэрэ Бүтүн Арассыыйатааҕы «Поколение звёзд. Молодые исполнители — регионам России!» кэнсиэргэ сырыттылар.

Тэрээһин «Северное сияние» норуоттар икки ардыларынааҕы арктическай бэстибээл иитинэн ыытылынна. Ю.А.Гагарин аатынан култуура уонна аныгы ускуустуба киинигэр буолбут тэрээһиҥҥэ ускуустуба үтүөлээх диэйэтэлэ Наталья Базалева салайааччылаах  Symphonica ARTica, Борис Андрианов (виолончель), Игорь Фёдоров (кларнет) уонна Артём Дервоед (гитара), уо.д.а. кытыннылар.

—Аҕа дойдуну көмүскээччилэр» пуондаҕа классическай муусука ураты кэнсиэригэр сылдьар кыаҕы биэрбитигэр махтанабыт. Дьиэ кэргэммин кытта олус бэркэ сынньанныбыт. Социальнай координатордарбар Владилена Дмитриевна Абрамоваҕа уонна Анна Андреевна Шишуноваҕа кэнсиэргэ ыҥырбыттарын уонна бэтэрээннэргэ куруутун кыһамньыларын ууралларыгар махтанабын, — диэн этэр Марк Белолюбскай.

Саха сирин уонна Арассыыйа сценатын биллэр-көстөр артыыстара түмсэннэр, улахан суолталаах тэрээһин буолла. Саха сирин филармониятын виртуальнай кэнсиэртиир саалатын нөҥүө онлайн-трансляция көмөтүнэн, кэнсиэри Арассыыйаттан тиийэ иһиттилэр.

Сиһилии: https://www.sakha.gov.ru/news/14497

СӨ Ил Дарханын уонна Бырабыыталыстыбатын пресс-сулууспата