Байыаннай дьайыы бэтэрээннэрэ тыа сиригэр бэйэ дьыаланы арынар кыахтаныахтара

«Тыа сирин кэлимник сайыннарыы» бырагырааманан байыаннай дьайыы бэтэрээннэригэр тыа сиригэр бэйэ дьыаланы арыналларыгар 200 мөл. солк. суума үп-харчы көрүллүөҕэ.

Бу туһунан алтынньы 16 күнүгэр Тыа хаһаайыстыбатын миниистирин бастакы солбуйааччы Елена Фастова Госдуумаҕа Бүддьүөккэ уонна нолуокка кэмитиэтин мунньаҕар кэпсээтэ. «Бу өйөбүл миэрэтин саҥа көрүҥэ буолуоҕа. Эһиилгиттэн үлэ саҕаланыа», — диэтэ миниистир солбуйааччыта.

Бу иннинэ Госдуума байыаннай дьайыы бэтэрээнин ыстаатыһа, ону тэҥэ чэпчэтиилэрэ уонна өйөбүллэрэ, Силиэстийэлиир кэмитиэт үлэһиттэригэр уонна борукуруордарга тарҕанарын туһунан сокуон барылын бастакы ааҕыыга ылыммыта.