«Мой спорт» устуудьуйа
Саха сиригэр байыаннай дьайыы бэтэрээннэрэ «Эр хоһуун» бырайыак чэрчитинэн физкултууранан уонна успуордунан дьарыктаныыга тиһигин быспакка тардыллаллар. Бырайыак 2024 сылтан «Аҕа дойдуну көмүскээччилэр» пуонданы кытта бииргэ олоххо киирэр диэн СӨ Успуорка министиэристибэтигэр иһитиннэрдилэр.
Байыаннай дьайыы кыттыылаахтарын физическай уонна социальнай өттүнэн чөлүгэр түһэрии үлэтэ Адаптивнай физкултуура уонна усупорт өрөспүүбүлүкэтээҕи киинин баазатыгар успуорт алта көрүҥүнэн тиһигин быспат эрчиллиилэри киллэрэр: оҕунан ытыыта, пауэрлифтинг, остуол тенниһэ, буулдьанан ытыы, армрестлинг уонна олорон эрэ волейбол. Манна кинилэри адаптивнай успуорт кыахтарын кытта билиһиннэрэллэр, исписэлиистэр уонна тириэньэрдэр сүбэ-ама биэрэллэр.
Бырайыак үлэтин саҕалаабытын кэннэ икки бөдөҥ эрэгийиэннээҕи физкултуурунай тэрээһин ыытылынна — «Аҕа дойдуну көмүскээччилэр Куубага» уонна Аҕа дойду Дьоруойдарын күнүгэр анаммыт өрөспүүбүлүкэтээҕи физкултуурунай тэрээһин. Кыттааччылар уопсай ахсааннара 200 киһиттэн таҕыста. 17 улуустан уонна Дьокуускай куораттан 18 хамаанда кытынна.
Маны таһынан, байыаннай дьайыы бэтэрээннэрин күнүгэр «Бэйэ дьоммутугар ГТО» («ГТО для СВОих») аахсыйа чэрчитинэн ГТОкомплексын нуорматын толоруу буолла.
Өрөспүүбүлүкэ бары успуорт эбийиэктэригэр байыаннай дьайыы кыттыылаахтарыгар физкултууранан уонна успуордунан босхо дьарыктанар кыах бэриллэр. Кинилэр дьиэ кэргэттэрин чилиэннэригэр эрчиллиигэ сылдьарга чэпчэтиилэр көрүллэллэр. Байыаннай сулууспалаахтар оҕолоро успуорт тэрилтэлэргэ бастакы уочаратынан киллэриллэллэр уонна босхо форманан хааччыллаллар.
Успуорка министиэристибэтигэр иһитиннэрбиттэринэн, «Эр хоһуун» бырайыагы олоххо киллэрии салҕаныа уонна эрэгийиэҥҥэ байыаннай дьайыы бэтэрээннэрин уонна кыттыылаахтарын ортотугар физкултууранан уонна успуордунан дьарыктанар кыаҕы кэҥэтиигэ туһуланыа.
Ил Түмэҥҥэ туһаайан этиитигэр Айсен Николаев буойуннары эйэлээх олоххо социальнай өттүнэн чөлүгэр түһэрии уонна адаптациялааһын боппуруостара, ол эбэтэр үөрэхтээһин уонна үлэнэн хааччыйыы, уопсастыбаннай олоххо угуйуу, ураты болҕомтону эрэйэллэрин бэлиэтээбитэ.
Олунньу – тас көрүҥҥүн эрэ буолбакка, үп-харчы туруккун тупсарарга үтүө кэм. Астрология өттүнэн сөптөөх күҥҥэ…
Дьокуускайга СӨ Үлэҕэ уонна социальнай сайдыыга министиэристибэтин Өрөспүүбүлүкэтээҕи сэминээр-сүбэ мунньаҕа саҕаланна. Тэрээһиҥҥэ социальнай үлэһиттэр кыттыыны…
2026 сыл кулун тутар 1 күнүттэн Арассыыйа олохтоохторо суоппар быраабыгар тэйиччиттэн олорон үөрэнэр кыахтаннылар. Автооскуолаларга …
Хатас сэлиэнньэтигэр мас-рестлиҥҥэ «Көмүс мас» Дьокуускай куорат аһаҕас чөмпүйэнээтэ түмүктэннэ. Онно 23 хамаандаттан 160-тан тахса…
Саха сиригэр бүгүҥҥү күҥҥэ үөрэх тэрилтэлэригэр байыаннай дьайыы 70-тан тахса кыттыылааҕа, ол иһигэр педагогтар уонна…
Тохсунньу 27 күнүгэр Ленинграды блокадаттан толору босхолооһун күнэ бэлиэтэнэр. Ленинград блокадатын сиэртибэлэрин кэриэстээн, бу күн…