Хаартыска: Андрей Сорокин, ЯСИА
Саха сиригэр бойобуой дьайыылар бэтэрээннэрин чөлүгэр түһэрэр сыалтан «Эр хоһуун» бырайыак олоххо киирэр. Бу туһунан СӨ Физическэй култуураҕа уонна успуорка миниистири солбуйааччы Аида Антонова СӨ Ил Дарханын уонна Бырабыыталыстыбатын дьаһалтатын соцситимнэргэ официальнай страницаларыгар быһа эпиир кэмигэр кэпсээтэ.
«Бырайыак «Аҕа дойдуну көмүскээччилэр» пуонданы кытта кыттыһан олоххо киирэр. Кини байыаннай дьайыы кыттыылаахтарын адаптивнай успуорт нөҥүө эти-хааны уонна социальнай өттүнэн чөлүгэр түһэрии комплекснай тиһиккэ киллэрэллэр. Ол иһигэр Өрөспүүбүлүкэтээҕи адаптивнай физическэй култуура уонна успуорт киинин баазата успуорт алта диссипилиинэтигэр тиһигин быспат дьарыктары, өрөспүүбүлүкэтээҕи уонна Бүтүн Арассыыйатааҕы күрэхтэһиилэри тэрийиини, паралимпиецтары кытта үөрэтэр тэрээһиннэри, медиа-эйгэҕэ информационнай өйөбүлү уонна успуорт тэрээһиннэри арыаллааһыҥҥа волонтердары көхтөөхтүк кытыннарыыны холбуур», – диэн Аида Антонова эттэ.
Адаптивнай физическэй култуураны уонна успуорду салгыы сайыннарар туһуттан саҥа көҕүлээһиннэр оҥоһуллаллар, олортон биирдэстэринэн Дьокуускайга Уһук Илиннээҕи паралимпийскай успуорт көрүҥнэригэр киин филиалын тэрийиитэ буолар. Билиҥҥи туругунан, Өрөспүүбүлүкэтээҕи адаптивнай физическэй култуура уонна успуорт киинигэр байыастары адаптивнай успуорт кыахтарын кытта билиһиннэрэллэр, исписэлиистэр уонна тириэньэрдэр сүбэ-ама биэрэллэр. Паралимпиецтартан, сурдлимпиецтартан маастар-кылаастар бэтэрээннэргэ саҥа усулуобуйаҕа үөрэнэллэригэр уонна бэйэлэрин күүстэригэр эрэллэрин үөскэтэллэригэр көмөлөһөллөр.
Тиһигэ быһыллыбат дьарыктар Успуорка миниистиэристибэтин эбийиэктэригэр ыытыллаллар. Байыаннай дьайыы кыттыылаахтарыгар анаан өрөспүүбүлүкэтээҕи адаптивнай физическэй култуура киинин уонна Успуорка миниистиэристибэтин биэдэмистибэлээх тэрилтэлэрин үлэлэрин туһунан брошюралар уонна плакаттар оҥоһулуннулар.
Аида Антонова бэлиэтээбитинэн, Арассыыйа Паралимпийскай кэмитиэтэ сыл аайы байыаннай дьайыы кыттыылаахтарыгар «Аҕа дойду көмүскээччилэрин Куубагын» ыытар, бу тэрээһиннэргэ күрэсчиттэр өрөспүүбүлүкэ чиэһин ситиһиилээхтик көмүскүүллэр, санааларын күүһүн уонна кыайыыга дьулуурдарын көрдөрөллөр. Өрөспүүбүлүкэ бары успуорт эбийиэктэригэр байыаннай дьайыы кыттыылаахтарыгар физическэй култууранан уонна успуордунан босхо дьарыктанар кыах бэриллэр. Кинилэр дьиэ кэргэттэрин чилиэннэригэр дьарыктарга сылдьарга чэпчэтиилэр көрүллэллэр. Байыаннай сулууспалаахтар оҕолоро успуорт тэрилтэлэригэр бастакы уочаратынан киллэриллэллэр уонна босхо сылдьаллар.
Бу күннэргэ Саха сирин улуустарыгар Төрөөбүт тыл уонна сурук-бичик күнүгэр анаммыт тэрээһиннэр салҕаналлар. Биир олус…
Бу үөрүүлээх күҥҥэ СӨ Бырабыыталыстыбатын Бэрэссэдээтэлэ Кирилл Бычков кыттыыны ылла. Гимназия устуоруйата 1990-с сыллар саҥаларыттан,…
Бэҕэһээ, Ийэ тыл, сурук-бичик күнүгэр, Киллэм култууратын дьиэтин үлэһиттэрэ ураты эҕэрдэлэринэн дьону соһуттулар уонна үөртүлэр.…
Бүгүн Уһук Илин тоҕус эрэгийиэнин сүүмэрдэммит хамаандаларын художественнай гимнастикаҕа бастыыр иһин күрэхтэһиилэрин үһүс күнэ Саха…
Төрөөбүт тыл уонна сурук-бичик күнүнэн Таатта улууһун Дьохсоҕон нэһилиэгэр “Саргыланнын-кынаттаннын сахам тылын кэрэтэ-кэрэмэһэ!” диэн өрөспүүбүлүкэ…
Бырабыыталыстыбаҕа Бүлүү бөлөх улуустарга уоту туһаныы кээмэйин диапазоннарын (тарыыптарын) хаттаан көрбүттэр. Сунтаар уонна Ньурба улуустарыгар…